അമൃതയുടെ മരണം;മുഖ്യപ്രതിക്ക് വേണ്ടി രാജ്യത്തെ വിമാനത്താവളങ്ങളില്‍ പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചു

By | Thursday January 5th, 2017

SHARE NEWS
അഴിയൂര്‍: ഗവ. ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥിനി അമൃതയുടെ മരണവുമായി  ബന്ധപ്പെട്ട് കേസിലെ മുഖ്യപ്രതി അഴിയൂര്‍ എരിക്കിന്‍ചാല്‍ സ്വദേശി  ഇര്‍ഷാദിനു(18 ) വേണ്ടി രാജ്യത്തെ വിമാനത്താവളങ്ങളില്‍ പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചു. പ്രതി വിദേശത്തേക്ക് കടക്കാന്‍ സാധ്യതയുണ്ടെന്ന വിവരത്തെ തുടര്‍ന്നാണ്  വിമാനത്താവളങ്ങളില്‍ പോലീസ് ലുക്ക് ഔട്ട് നോട്ടീസ് പുറപ്പെടുവിച്ചത്. ബെംഗളൂരു വഴി വിദേശത്തേക്ക് കടക്കാന്‍ സാധ്യതയുണ്ടെന്നാണ് പൊലിസിന് ലഭിച്ച വിവരം. ഇയാള്‍ക്കുവേണ്ടി കഴിഞ്ഞ ദിവസം കേസന്വേഷണസംഘം ബെംഗളൂരുവില്‍ തെരഞ്ഞെത്തിയെങ്കിലും കണ്ടെത്താനായില്ല.
ആത്മഹത്യാപ്രേരണക്കുറ്റത്തിനാണ് ഇയാള്‍ക്കെതിരെ കേസെടുത്തത്. ഇയാളുടെ സുഹൃത്ത് അഴിയൂര്‍ എരിക്കന്‍ചാല്‍ തോട്ടുമുഖത്ത് ഫൈറൂസിനെ ചോമ്പാല പൊലിസ് കഴിഞ്ഞ ദിവസം അറസ്റ്റു ചെയ്തിരുന്നു. ഇയാളില്‍ നിന്നും ലഭിച്ച വിവരത്തിന്റെ അടിസ്ഥാനത്തിലാണ് പോലീസ് അന്വേഷണം ബെംഗളൂരുവിലേക്കും വ്യാപിപ്പിച്ചത്. ഇക്കഴിഞ്ഞ 24 നാണ് മുക്കാളി റെയില്‍വേ സ്റ്റേഷനുസമീപത്തുള്ള റെയില്‍ പാളത്തില്‍ അമൃതയെ മരിച്ച നിലയില്‍ കണ്ടെത്തിയത്. മരണത്തിന് മുമ്പ് പ്രതികളോടൊപ്പം റെയില്‍വേ ട്രാക്കിലൂടെ സഞ്ചരിച്ചതായും അറസ്റ്റിലായ പ്രതി മൊഴി നല്‍കിയിരുന്നു.

Tags: , , ,
English summary
ചുവടെ കൊടുക്കുന്ന അഭിപ്രായങ്ങള്‍ വടകര ന്യൂസിന്റേതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്

Also Read