---
title: "ഹെല്‍ത്ത് കാര്‍ഡ്; എടുക്കുവാനുള്ള സമയപരിധി നീട്ടി "
english_title: "The deadline for taking health card has been extended"
publisher: "vatakaranews.in"
canonical_url: "https://vatakara.truevisionnews.com/news/100553/the-deadline-for-taking-health-card-has-been-extended"
published_at: "2023-03-01T14:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63ff12731ea94_HEALTH_CARD.jpg"
keywords: []
---

# ഹെല്‍ത്ത് കാര്‍ഡ്; എടുക്കുവാനുള്ള സമയപരിധി നീട്ടി 

> **Lead Summary:** **വടകര: **ഭക്ഷ്യസുരക്ഷ ഹെൽത്ത് കാർഡ് എടുക്കുവാനുള്ള സമയ പരിധി നീട്ടിയത് വടകരയ്ക്കും ആശ്വാസമായി.

## Article Content

**വടകര: **ഭക്ഷ്യസുരക്ഷ ഹെൽത്ത് കാർഡ് എടുക്കുവാനുള്ള സമയ പരിധി നീട്ടിയത് വടകരയ്ക്കും ആശ്വാസമായി.

സംസ്ഥാനത്ത് ഭക്ഷ്യസുരക്ഷാ ഹെൽത്ത് കാർഡിലുള്ള നിയമനടപടികൾ ഒരു മാസത്തിന് ശേഷമാണ് ആരംഭിക്കുക എന്ന് ആരോഗ്യമന്ത്രി വീണ ജോർജ് വ്യക്തമാക്കി.

ഹെൽത്ത് കാർഡ് എത്രപേര്‍ എടുത്തു എന്നത് സംബന്ധിച്ച് ഭക്ഷ്യസുരക്ഷാ വകുപ്പ്  പരിശോധന നടത്തും. ഹോട്ടൽ റസ്റ്ററന്‍റ് സംഘടനാ പ്രതിനിധികളുടെ അഭ്യർത്ഥന മാനിച്ച് എല്ലാവർക്കും ഹെൽത്ത് കാർഡ് ലഭ്യമാക്കാനായി ഒരു മാസം കൂടി സാവകാശം നൽകി.

രണ്ട് പ്രാവശ്യം ഹെൽത്ത് കാർഡ് എടുക്കുന്നതിനുള്ള സമയപരിധി ദീർഘിപ്പിച്ചിരുന്നു. ഇതിന് പിന്നാലെയാണ് ഒരുമാസം കൂടി നീട്ടി നല്‍കിയത്. ഇനിയൊരു സാവകാശം ഉണ്ടായിരിക്കുന്നതല്ല.

അതിനാൽ ഈ കാലാവധിക്കുള്ളിൽ തന്നെ നിയമപരമായി എല്ലാവരും ഹെൽത്ത് കാർഡ് എടുക്കണമെന്നും മന്ത്രി അഭ്യർത്ഥിച്ചു.

### Related Links & Sources
- [Original Story Source](https://vatakara.truevisionnews.com/news/100553/the-deadline-for-taking-health-card-has-been-extended)