ഓർക്കാട്ടേരി: കുന്നുമ്മക്കര ലക്ഷമി നിലയത്തിൽ ഗോവിന്ദ കുറുപ്പിന്റെ വീടിനോട് ചേർന്ന തേങ്ങാക്കൂടയ്ക്ക് ആണ് ഇന്ന് ഉച്ചയോടെ തീ പിടിച്ചു പുക ഉയർന്നത്. തീയും പുകയും ഉയർന്നത് നാട്ടുകാർക്കിടയിൽ പരിഭ്രാന്തി പരത്തി.
വിവരമറിയിച്ചതിനെ തുടർന്ന് വടകര നിലയത്തിൽ നിന്ന് അസി: സ്റ്റേഷൻ ഓഫീസർ സതീശൻ കെ യുടെ നേതൃത്വത്തിൽ 2 യൂണിറ്റും , നാദപുരം നിലയത്തിൽ നിന്ന് ഒരു യൂണിറ്റും സംഭവ സ്ഥലത്ത് എത്തി മണിക്കൂറുകളോളം പരിശ്രമിച്ച് തീയും പുകയും നിയന്ത്രണ വിധേയമാക്കി.അഞ്ഞൂറോളം തേങ്ങ പൂർണ്ണമായും 3000 ത്തോളം തേങ്ങ ഭാഗികമായും കത്തി നശിച്ചു.
A coconut shack adjacent to a house was burnt down in Orkhateri
