ഒഞ്ചിയം: ( vatakaranews.in ) പൗര പ്രമുഖനും ഒഞ്ചിയം പ്രദേശത്തെ മത സാമൂഹിക രാഷ്ട്രീയ രംഗത്തെ നിറസാന്നിധ്യവും ഒഞ്ചിയം മഹല്ല് ജമാഅത്ത് മുൻ സെക്രട്ടറിയുമായ തോട്ടോളി മീത്തൽ അസൈനാർ( 75) അന്തരിച്ചു. ഒഞ്ചിയം മഹല്ല് രൂപീകരണ ശേഷം ദീർഘകാലം സെക്രട്ടറിയായിരുന്ന വ്യക്തിയായിരുന്നു.
കൂടാതെ ഒഞ്ചിയം നുസ്രത്തുൽ ഇസ്ലാം മദ്രസയുടെ വളർച്ചയുടെ ഘട്ടങ്ങളിൽ നിസ്തുലമായ പങ്ക് വഹിച്ചു. ഓർക്കാട്ടേരി റേഞ്ച് ജംഇയ്യത്തുൽ മുഅല്ലിമീൻ ഭാരവാഹി, കടമേരി റഹ്മാനിയ അസോസിയേഷൻ പ്രതിനിധി, നന്ദി ദാറുസ്സലാം അറബിക് കോളേജ് കമ്മിറ്റിയിൽ ഉൾപ്പെടെ പ്രവർത്തിച്ചു.
കുറച്ചു ദിവസമായി ശാരീരിക അസ്വസ്ഥത മൂലം വടകര സഹകരണ ആശുപത്രിയിൽ ചികിത്സയിലായിരുന്നു. ഇന്നലെ അർദ്ധരാത്രിയോടെയാണ് മരണം സംഭവിച്ചത്. ഭാര്യ കുഞ്ഞീബി തിക്കോടി.
#obituary #ThotoliMeethal #Assainar #passedaway
.jpg)
