ആയഞ്ചേരി: (vatakaranews.in) ഗ്രാമ പഞ്ചായത്ത് 2023 - 24 വാർഷിക പദ്ധതിയുടെ ഭാഗമായ മുറ്റത്തൊരു മീൻ തോട്ടം പദ്ധതിയുടെ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് കാട്ടിൽ മൊയ്തു മാസ്റ്റർ പന്ത പൊയിലിൽ ചേമ്പറ്റ സുബൈദ നിർമിച്ച പാടക്കുളത്തിൽ മീൻ കുഞ്ഞുങ്ങളെ നിക്ഷേപിച്ചായിരുന്നു ഉദ്ഘാടനം നിർവ്വഹിച്ചത്. 20 പേരാണ് ഈ വർഷം മൽസ്യ കൃഷി ചെയ്യുന്നത്.
ഒരാൾക്ക് 8000 രൂപ പഞ്ചായത്ത് നൽകും. ബാക്കി ചെലവാകുന്ന തുക കൃഷിക്കാർ വഹിക്കും. ചടങ്ങിൽ സി.വി. ദാമു മാസ്റ്റർ അധ്യക്ഷത വഹിച്ചു. ഫിഷറീസ് ഓഫീസർ ബാബു കോഡിനേറ്റർ സുധിന സംസാരിച്ചു.
#fishfarm #courtyard #part #GramaPanchayath #annual #scheme #inaugurated