വടകര : (vatakaranews.com) ഭിന്നിപ്പിന്റെ പ്രചാരകരെ വടകരയിലെ ജനം തിരിച്ചറിയുമെന്ന് ഷംസുദ്ദീൻ എംഎൽഎ. വടകര നിയോജകമണ്ഡലം യുഡിഎഫ് കൺവെൻഷൻ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. രാജ്യത്ത് മതത്തിന്റെ പേരിൽ മതിലുകൾ തീർത്ത് വിദ്വേഷം പടർത്തുകയാണ് നരേന്ദ്രമോദിയും കൂട്ടരും. അവരുടെ വിഭാഗീയ പ്രചാരണത്തിന് കൂട്ടുനിൽക്കുകയാണ് കേരളത്തിലെ പിണറായി വിജയനും സിപിഎമ്മും.
ഭിന്നിപ്പിന്റെ പ്രചാരകനായി മോദി മാറിയിരിക്കുന്നു. വർഗീയ വിഘടന വാദികളെ പരാജയപ്പെടുത്തി ഇന്ത്യ മുന്നണി അധികാരത്തിൽ വരുന്നതിന് സിപിഎമ്മിന് യാതൊരു റോളും ഇല്ല. ബിജെപി യെ പ്രതിരോധിക്കുന്ന മതേതര മുന്നണിയാണ് ഇന്ത്യ മുന്നണി. സാധാരണ ജനങ്ങൾക്ക് പെൻഷനും സർക്കാർ ജീവനക്കാർക്ക് ശമ്പളവും കിട്ടുന്നില്ലെങ്കിലും മുഖ്യമന്ത്രി പിണറായി വിജയനും മകൾക്കും കൃത്യമായി മാസപ്പടി ലഭിക്കുന്നുണ്ട്. പൗരത്വ ഭേദഗതി ബില്ലിന് പിന്നിലുള്ള ബിജെപിയുടെ അജണ്ടകൾ കൃത്യമായി രാജ്യത്തെ മതേതര മനസ്സുകൾ തിരിച്ചറിയുന്നു.
വർഗീയ വിഘടനവാദികളെ ജനം വരുന്ന തെരഞ്ഞെടുപ്പിൽ പരാജയപ്പെടുത്തുമെന്നും അദ്ദേഹം കൂട്ടിച്ചേർത്തു., ഓർക്കാട്ടേരി ടൗണിൽ നിന്നും സ്ഥാനാർത്ഥി ഷാഫി പറമ്പിൽ സ്വീകരിച്ച് വാദ്യമേളങ്ങളുടെ അകമ്പടിയോടെ കച്ചേരി മൈതാനിയിലേക്ക് ആനയിച്ചു.. പാലക്കാട് നിയോജകമണ്ഡലത്തിൽ ഉപതെരഞ്ഞെടുപ്പ് ഉണ്ടാകില്ലെന്ന ബിജെപി സംസ്ഥാന പ്രസിഡന്റ് കെ സുരേന്ദ്രന്റെ പരാമർശം സിപിഎം-ബിജെപി ബാന്ധവം തുറന്നുകാട്ടുന്നതാണെന്ന് വടകര പാർലമെന്റ് യുഡിഎഫ് സ്ഥാനാർഥി ഷാഫി പറമ്പിൽ പറഞ്ഞു.
സിപിഎമ്മും ബിജെപിയും പരസ്പരം എത്രകണ്ട് സഹായിച്ചാലും വടകരയും കേരളവും രാജ്യവും വിദ്വേഷ രാഷ്ട്രീയത്തിനെതിരെ യുഡിഎഫ് സ്ഥാനാർത്ഥികൾക്ക് വോട്ട് ചെയ്യും. ബിജെപിയുടെ വിദ്വേഷ രാഷ്ട്രീയവും അതിന് കുടപിടിക്കുന്ന സിപിഎമ്മിന്റെ അവസരവാദ രാഷ്ട്രീയവും വടകരയിലെ ജനത കൃത്യമായി മനസ്സിലാക്കിയിട്ടുണ്ട്. ബിജെപി രണ്ടാംസ്ഥാനത്ത് എത്തിയ ഒരു മണ്ഡലത്തിലാണ് ഉപതെരഞ്ഞെടുപ്പ് വരില്ലെന്ന ഉറപ്പ് സുരേന്ദ്രൻ നൽകുന്നത്. സിപിഎമ്മുമായി കാലങ്ങളായി വെയ്ക്കുന്ന ധാരണയാണ് പരസ്യമായി സുരേന്ദ്രൻ പത്രസമ്മേളനം വിളിച്ചു പറഞ്ഞിരിക്കുന്നത്.
സുരേന്ദ്രനും ഒപ്പമുള്ള വരും സിപിഎമ്മും എത്ര ശ്രമിച്ചാലും വടകര വർഗീയ രാഷ്ട്രീയത്തിനെതിരെ വിധിയെഴുതും. തൃശ്ശൂരിലും ഇരുകൂട്ടരും തമ്മിൽ സമാനമായ അന്തർധാര ഉണ്ട് ഷാഫി പറഞ്ഞു. ചെയർമാൻ കോട്ടയിൽ രാധാകൃഷ്‌ണൻ അധ്യക്ഷത വഹിച്ചു. കെ കെ രമ എം എൽ എ, പാറക്കല്‍ അബ്ദുളള , എൻ വേണു, ഒ.കെ. കുഞ്ഞബ്ദുള്ള പ്രദീപ് ചോമ്പാല , എം സി വടകര,എൻ പി അബ്‌ദുല്ല ഹാജി,,അഹമ്മദ് പുന്നക്കൽ, സുനിൽ മടപ്പള്ളി,പറമ്പത്ത് പ്രഭാകരൻ സതീശൻ കുരിയാടി,, ബാബു ഒഞ്ചിയം, അഡ്വ നാരായണൻ നായർ,പി.കെ ഹബീബ്, പി പി ജാഫർ . വി.പി ദുല്‍ഖിഫില്‍, എന്നിവർ പ്രസംഗിച്ചു.
#Convention # Modi #become #propagandist #division #Shamsuddhin #MLA
