---
title: "#withdrawn |വടകരയിലെ സ്വാതന്ത്ര സ്ഥാനാർഥി അബ്ദുൾ റഹീം പത്രിക പിൻവലിച്ചു"
english_title: "#AbdulRahim #independent #candidate  #Vadakara  #withdrawn #paper"
publisher: "vatakaranews.in"
canonical_url: "https://vatakara.truevisionnews.com/news/197608/abdulrahim-independent-candidate-vadakara-withdrawn-paper"
published_at: "2024-04-08T16:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6613cf2a71f93_raheem_2.jpg"
keywords: []
---

# #withdrawn |വടകരയിലെ സ്വാതന്ത്ര സ്ഥാനാർഥി അബ്ദുൾ റഹീം പത്രിക പിൻവലിച്ചു

> **Lead Summary:** വടകര : (**vatakaranews.in**)കോഴിക്കോട്, വടകര ലോക്സഭ മണ്ഡലങ്ങളിലേക്ക് അന്തിമ സ്ഥാനാർഥി പട്ടികയായി. കോഴിക്കോട് 13 ഉം വടകരയിൽ 10 ഉം സ്ഥാനാർഥികൾ ആണുള്ളത്.

## Article Content

വടകര : (**vatakaranews.in**)കോഴിക്കോട്, വടകര ലോക്സഭ മണ്ഡലങ്ങളിലേക്ക് അന്തിമ സ്ഥാനാർഥി പട്ടികയായി. കോഴിക്കോട് 13 ഉം വടകരയിൽ 10 ഉം സ്ഥാനാർഥികൾ ആണുള്ളത്.

നാമനിർദേശ പത്രിക പിൻവലിക്കാനുള്ള അവസാന സമയം തിങ്കളാഴ്ച വൈകുന്നേരം മൂന്നിന് കഴിഞ്ഞതോടെയാണ് അന്തിമ പട്ടിക വ്യക്തമായത്. ജില്ലയിൽ ഒരാൾ മാത്രമാണ് പത്രിക പിൻവലിച്ചത്-വടകര ലോക്സഭ മണ്ഡലത്തിൽ സ്വാതന്ത്രനായി പത്രിക നൽകിയ അബ്ദുൾ റഹീം ആണ് അവസാന ദിവസം പിന്മാറിയത്.

ഇതോടെ ജില്ലയിൽ ആകെ 23 സ്ഥാനാർഥികൾ മത്സര രംഗത്തുണ്ട്. വടകര മണ്ഡലത്തിലേക്ക് ബി.എസ്.പി സ്ഥാനാർഥിയായി പത്രിക നൽകിയ പവിത്രൻ ഇ യുടെ പത്രിക സൂക്ഷ്മപരിശോധനയിൽ തള്ളപ്പെട്ടിരുന്നു.

അന്തിമ സ്ഥാനാർഥി പട്ടിക: വടകര- കെ കെ ശൈലജ (സി.പി.ഐ.എം), ഷാഫി പറമ്പിൽ (ഇന്ത്യൻ നാഷണൽ കോൺഗ്രസ്‌), പ്രഫുൽ കൃഷ്ണൻ (ബി.ജെ.പി), ഷാഫി, ഷാഫി ടി പി, മുരളീധരൻ, കുഞ്ഞിക്കണ്ണൻ, ശൈലജ കെ, ശൈലജ കെ കെ, ശൈലജ പി (എല്ലാവരും സ്വതന്ത്രർ).

### Related Links & Sources
- [Original Story Source](https://vatakara.truevisionnews.com/news/197608/abdulrahim-independent-candidate-vadakara-withdrawn-paper)