---
title: " #ShafiParampil|‘കേന്ദ്രസേനയെ വിന്യസിക്കണം’; വടകരയിൽ കള്ളവോട്ട് ആരോപണവുമായി ഷാഫി പറമ്പിൽ ഹൈക്കോടതിയിൽ"
english_title: " #ShafiParampil #HighCourt  #seeking #action  #prevent #fake #voting"
publisher: "vatakaranews.in"
canonical_url: "https://vatakara.truevisionnews.com/news/199092/shafiparampil-highcourt-seeking-action-prevent-fake-voting"
published_at: "2024-04-16T13:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/661e2fee23697_shafi_highcourt.jpg"
keywords: []
---

#  #ShafiParampil|‘കേന്ദ്രസേനയെ വിന്യസിക്കണം’; വടകരയിൽ കള്ളവോട്ട് ആരോപണവുമായി ഷാഫി പറമ്പിൽ ഹൈക്കോടതിയിൽ

> **Lead Summary:** വടകര: (**vatakara.truevisionnews.com**)കള്ളവോട്ട് തടയാൻ നടപടി ആവശ്യപ്പെട്ട് വടകരയിലെ യുഡിഎഫ് സ്ഥാനാര്‍ത്ഥി ഷാഫി പറമ്പിൽ ഹൈക്കോടതിയിൽ. വടകരയിൽ വ്യാപകമായി കള്ള വോട്ടിന് സാധ്യതയുണ്ടെന്നാണ് ഷാഫി പറമ്പിൽ ആരോപിക്കുന്നത്.

## Article Content

വടകര: (**vatakara.truevisionnews.com**)കള്ളവോട്ട് തടയാൻ നടപടി ആവശ്യപ്പെട്ട് വടകരയിലെ യുഡിഎഫ് സ്ഥാനാര്‍ത്ഥി ഷാഫി പറമ്പിൽ ഹൈക്കോടതിയിൽ. വടകരയിൽ വ്യാപകമായി കള്ള വോട്ടിന് സാധ്യതയുണ്ടെന്നാണ് ഷാഫി പറമ്പിൽ ആരോപിക്കുന്നത്.

മുൻവർഷങ്ങളിൽ മരിച്ചവരുടെയും വിദേശത്തുള്ളവരുടെയും വോട്ട് സിപിഎം പ്രവർത്തകർ ചെയ്തിട്ടുണ്ടെന്നും ഷാഫി ആരോപിക്കുന്നു. ബൂത്ത് ചുമതലയുള്ള ഉദ്യോഗസ്ഥരിലും പൊലീസ് ഉദ്യോഗസ്ഥരിലും കൂടുതലും സിപിഎം അനുഭാവികളാണ്.

സ്വതന്ത്രമായ തെരഞ്ഞെടുപ്പ് നടത്താൻ മുഴുവൻ ബൂത്തുകളിലും വീഡിയോഗ്രാഫി വേണമെന്നും ഷാഫി പറമ്പിൽ ആവശ്യപ്പെടുന്നു. വോട്ടർമാർക്ക് ഭയരഹിതമായി ബൂത്തുകളിലെത്താൻ കഴിയണം. പാനൂർ സ്ഫോടനത്തിന്റെ പശ്ചാത്തലത്തിൽ സുരക്ഷ വേണമെന്നും എല്ലാ ബൂത്തിലും കേന്ദ്രസേനയെ വിന്യസിക്കണമെന്നും ഷാഫി പറമ്പിൽ ആവശ്യപ്പെട്ടു.

### Related Links & Sources
- [Original Story Source](https://vatakara.truevisionnews.com/news/199092/shafiparampil-highcourt-seeking-action-prevent-fake-voting)