വടകര : (vadakara.truevisionnews.com)വടകര പാർലമെന്റ് യു ഡി എഫ് സ്ഥാനാർഥി ഷാഫി പറമ്പിലിനെതിരെ വക്കീൽ നോട്ടീസ് അയച്ച് കെ കെ ശൈലജ .
വ്യാപകമായ നിലയിൽ വ്യക്തിഹത്യയും ലൈംഗികചുവയോടെയുള്ള പരാമർശവും മോർഫ് ചെയ്‌ത്‌ ഫോട്ടോകളും പ്രചരിപ്പിക്കുന്ന യു ഡി ഫ് പ്രവർത്തകർക്ക് ഷാഫി സർവ ഒത്താശയും നൽകുന്നുവെന്നും വ്യാജപ്രചരണം നടത്തുന്നവർക്ക് എതിരെ യാതൊരു നടപടിയും ഷാഫി സ്വീകരിച്ചിട്ടില്ല എന്നും വക്കീൽ നോട്ടീസിൽ പറയുന്നു .
ശൈലജ ടീച്ചറും തെരഞ്ഞെടുപ്പ് എജെന്റ്റും നൽകിയ പരാതിയിൽ വിവിധ പോലീസ് സ്റ്റേഷനുകളിലും സൈബർ പോലീസിലുമായി പതിനാറ് കേസുകൾ ഇതുവരെ രജിസ്റ്റർ ചെയ്തു.
സ്ത്രീത്വത്തെ അപമാനിക്കൽ , വ്യാജ വീഡിയോകൾ , മോർഫ് ചെയ്ത ചിത്രം , അധിക്ഷേപകരമായ പ്രസ്താവനകൾ എന്നിവ യു ഡി എഫ് നേതാക്കളും പ്രവർത്തകരും നിരന്തരം നടത്തുന്നു എന്നും പരാതിയിൽ പറയുന്നു .
ഇത്തരം വ്യാജ പ്രചരണങ്ങളും ,മോർഫ്ചെയ്ത ചിത്രങ്ങളും സാമൂഹ്യ മാധ്യമങ്ങളിൽ നിന്നും പിൻവലിക്കണം എന്നും അല്ലാത്ത പക്ഷം നിയമനടപടികൾ സ്വീകരിക്കും വക്കീൽ നോട്ടീസിൽ പറയുന്നു .
#KKShailaja #sent #lawyer #notice #against #Shafi Parampil
