വടകര: (vatakara.truevisionnews.com) പുസ്തകത്തിൽ അച്ചടിച്ച് പ്രസിദ്ധീകരിക്കുന്നതിനപ്പുറം കവിത ജീവിതം തന്നെയായി മാറേണ്ടതുണ്ട് എന്ന് മലയാളം സർവ്വകലാശാല റജിസ്ട്രാർ ഡോ.കെ എം ഭരതൻ പറഞ്ഞു.
![](https://tvn.zdn.im/img/truevisionnews.com/0/image-uploads/66dad0cf16b33_Truevision-Box-400-x-280-H.jpg)
'മടപ്പള്ളി കാവ്യോർമ്മ' എന്ന പേരിൽ മടപ്പള്ളി കോളേജിലെ പൂർവവിദ്യാർഥി സംഘടനയായ 'മടപ്പള്ളി ഓർമ്മ' പ്രസിദ്ധീകരിക്കുന്ന കവിത സമാഹാരത്തിന്റെ കവർ പ്രകാശനം ചെയ്തു സംസാരിക്കുകയായിരുന്നു അദ്ദേഹം.
മടപ്പള്ളി ഓർമ്മയുടെ പ്രസിഡണ്ട് വടയക്കണ്ടി നാരായണൻ അധ്യക്ഷനായി. മടപ്പള്ളി ഗവ. കോളേജ് മലയാള വിഭാഗം തലവൻ എ പി ശശിധരൻ, സ്റ്റുഡൻറ് എഡിറ്റർ പ്രണവ് മോഹൻ, ഡോ. ദിനേശൻ കരിപ്പള്ളി, ഗോപി നാരായണൻ, ഒ കെ ശ്യാമള, മടപ്പള്ളി ഓർമ്മയുടെ സെക്രട്ടറി അഡ്വ. പി കെ മനോജ് കുമാർ, ഖജാൻജി സന്തോഷ് കുറ്റിയിൽ, കോ -ഓർഡിനേറ്റർ ടിടി മോഹനൻ തുടങ്ങിയവർ സംസാരിച്ചു.
കോളേജിലെ പൂർവ്വ വിദ്യാർത്ഥിയും പ്രവാസിയുമായ ശശി കൃഷ്ണനാണ് കവർ രൂപകൽപ്പന ചെയ്തത്. കണ്ണൂരിലെ പായൽ പബ്ലിഷേഴ്സ് ആണ് കവിതാ സമാഹാരം പ്രസിദ്ധീകരിക്കുന്നത്. ജൂൺ ആദ്യവാരം കവിതാ സമാഹാരം പുറത്തിറങ്ങും.
#Madapalli #Kavyorma #The #cover #of #the #poetry #collection #was #released