വടകര :(vatakara.truevisionnews.com)വടകര നഗരസഭയിൽ ഓണക്കാലത്തേക്ക് പൂക്കളം ഒരുക്കാനുള്ള പൂക്കൾ നഗരസഭയുടെ വിവിധ വാർഡുകളിലായി തയ്യാറാവുകയാണ്.
നഗരസഭ കാർഷിക കർമ്മ സേനയുടെ നേതൃത്വത്തിൽ നടപ്പിലാക്കുന്നപദ്ധതിയുടെ ഉദ്ഘാടനം വാർഡ് 20 പുതിയാപ്പിൽ ചെണ്ടുമല്ലി തൈ നട്ടു കൊണ്ട് നഗരസഭാ ചെയർപേഴ്സൺ കെ പി ബിന്ദു നിർവഹിച്ചു. നഗരസഭാ വൈസ് ചെയർമാൻ പി കെ സതീശൻ മാസ്റ്റർ അധ്യക്ഷനായി.
സ്റ്റാൻഡിംഗ് കമ്മറ്റി ചെയർമാൻമാരായ പി.സജീവ് കുമാർ, എ.പി.പ്രജിത, സിന്ധു പ്രേമൻ എ.ഫ്.ഒ.അബ്ദു റഹ്മാൻ എന്നിവർ പ്രസംഗിച്ചു.
കൃഷി അസിസ്റ്റൻഡ് സജീഷ് കുമാർ പദ്ധതി വിശദീകരണം നടത്തി. കൗൺസിലർമാർ, കൃഷിവകുപ്പ് ഉദ്യോഗസ്ഥർ, പ്രദേശവാസികൾ തുടങ്ങിയവർ പരിപാടിയിൽ പങ്കെടുത്തു.
നെറ്റ് സീറോ കാർബൺ കേരളം ക്യാമ്പയിൻ പ്രവർത്തനങ്ങൾ ഏറ്റെടുത്ത നഗരസഭയിൽ പദ്ധതിയുടെ ഭാഗമായി ഈ വർഷം ആരംഭിക്കുന്ന കാർഷിക മേഖലയിലെ ക്യാമ്പയിനുകളുടെ തുടക്കമാണ് ചെണ്ടുമല്ലി കൃഷി വ്യാപനത്തിലൂടെ ഉദ്ദേശിക്കുന്നത്.
കൃഷിഭവനാണ് ഇതിനുവേണ്ട പിന്തുണ സഹായം നൽകുന്നത്. പുതിയാപ്പിലെ 80 സെന്റോളം ഭൂമിയിലാണ് കൃഷി ആരംഭിക്കുന്നത്. നഗരസഭയിലെ മുഴുവൻ വാർഡുകളിലെയും സാധ്യമായ സ്ഥലങ്ങളിൽ ചെണ്ടുമല്ലി കൃഷി വ്യാപകമാക്കാൻ ആണ് ഉദ്ദേശിക്കുന്നതെന്ന് നഗരസഭാ ചെയർപേഴ്സൺ പറഞ്ഞു.
തരിശായി കിടക്കുന്ന എല്ലാ ഭൂമിയിലും കാർഷിക പ്രവർത്തനം നടത്തിക്കൊണ്ട് പ്രാദേശിക കാർഷിക മേഖലയെ ശക്തിപ്പെടുത്തുക, കാർഷിക രംഗത്തെ സ്വയം പര്യാപ്തത നിലനിർത്തുക,തരിശുഭൂമിയിലെ കാർബൺ ഉദയം ഉദ്വമനം കുറയ്ക്കുക ഇത്തരം പദ്ധതികൾ കൊണ്ട് ലക്ഷ്യമിടുന്നത്.
വികസന സ്റ്റാൻഡിംഗ് കമ്മറ്റി ചെയർമാൻ രാജി ത പതേരി സ്വാഗതവും കാർഷിക കർമ്മ സേന സെക്രട്ടറി ബാലകൃഷ്ണൻ .പി .പി നന്ദിയും പറഞ്ഞു.
#Vadakara #municipality #with #Chendumalli #cultivation #prepare #flowers #for #Onam