വടകര: ചെരണ്ടത്തൂരില് പുല്ലുമേയുന്നതിനടയില് അബദ്ധവശാല് കിണറ്റില് വീണ പശുവിനെ രക്ഷപ്പെടുത്തി അഗ്നിരക്ഷാസേന. 8 അടിയോളം വെള്ള മുള്ള കിണറ്റിലകപ്പെട്ട ആശാരിക്കണ്ടിയില് അബ്ദുള്ളയുടെ ഉടമസ്ഥതതയിലുള്ള ഒന്നര വയസ് പ്രായമുള്ള പശുവിനെയാണ് അഗ്നിരക്ഷാസേന അംഗങ്ങള് രക്ഷപ്പെടുത്തിയത്.
വടകര അഗ്നി രക്ഷാസേന വിഭാഗം അസി. സ്റ്റേഷന് ഓഫീസര് കെ സതീശന് രക്ഷാപ്രവര്ത്തനത്തിന് നേതൃത്വം നല്കി. ഫയര് & റെസ്ക്യു ഓഫീസര്മാരായ ആദര്ശ് . വി.കെ , ജാഹിര് എം എന്നിവര് കിണറ്റിലിറങ്ങി ഹോസും റോപ്പും ഉപയോഗിച്ചാണ് പശുവിനെ പുറത്തെത്തിച്ചത്.
രക്ഷാപ്രവര്ത്തനത്തില് സീനിയര് ഫയര്& റെസ്ക്യൂ ഓഫീസര് വിജിത്ത് കുമാര്, ഫയര് & റെസ്ക്യു ഓഫീസര്മാരായ ദീപക്. കെ പ്രജിത്ത് നാരായണന്, അനുരാഗ് അശോക് എന്നിവര് പങ്കാളികളായി.
In Cherandathoor, the fire brigade rescued a cow that fell into a well