വടകര: (vatakara.truevisionnews.com)വടകര താലൂക്കിലെ എഎവൈ (മഞ്ഞ), മുൻഗണന (പിങ്ക്) റേഷൻ കാർഡുകളിലെ അംഗങ്ങൾക്കായുള്ള ഇ-കെവൈസി (E-KYC) അപ്ഡേഷൻ 2024 ഒക്ടോബർ എട്ട് വരെ (ഞാറായ്മ ഉൾപ്പടെ) അതാത് റേഷൻ കടകളിൽ നടക്കും.
മഞ്ഞ, പിങ്ക് റേഷൻ കാർഡുകളിലെ എല്ലാ അംഗങ്ങളും ഈ കാലയളവിനുള്ളിൽ റേഷൻ കടകളിൽ എത്തി ഇ-കെവൈസി അപ്ഡേഷൻ നടത്തണം.
ഒരു തവണ ഇ-കെവൈസി അപ്ഡേറ്റ് ചെയ്തവരും 2024 ആഗസ്റ്റ് അഞ്ചിനുശേഷം റേഷൻ കടകളിലെ ഇ- പോസ് യന്ത്രത്തിൽ വിരൽ പതിച്ച് റേഷൻ സാധനം വാങ്ങിയ അംഗങ്ങളും ഇ-കെവൈസി ഇനിയും അപ്ഡേറ്റ് ചെയ്യേണ്ടതില്ല.
https://epos.kerala.gov.in എന്ന വെബ്‌സൈറ്റ് വഴി നിലവിൽ ഇ-കെവൈസി അപ്ഡേഷൻ നടത്തിയവരുടെ വിവരങ്ങൾ അറിയാവുന്നതാണെന്ന് വടകര താലൂക്ക് സപ്ലൈ ഓഫീസർ അറിയിച്ചു
#Ration #card #eKYC #update #up #eight #Vadakara #taluk
