വടകര : നാഷണൽ ഹൈവേയിൽ കുഴികൾ കാരണം നിരവധി വാഹനങ്ങൾ അപകടത്തിൽ പെട്ടിട്ടും റോഡിലെ കുഴികൾ നികത്താൻ തയ്യാറാവാത്ത വാഗാഡ് കമ്പനിയുടെയും അധികാരികളുടെയും ധിക്കാരത്തിനെതിരെ എസ് ഡി പി ഐ തെരുവത്ത് ഹൈവേയിൽ റോഡ് ഉപരോധിച്ചു.
രാവിലെ പതിനൊന്ന് മണിക്ക് തുടങ്ങിയ സമരം രണ്ട് മണി വരെ നീണ്ടു നിന്ന്,തത്കാലികമായി റോഡ് നന്നാക്കുന്നത് വരെ സമരം തുടരുകയാണ് ഉണ്ടായത്.
പൂർണ്ണമായ രീതിയിൽ കുഴികൾ നികത്തിയില്ലങ്കിൽ സമരം തുടരുമെന്ന് എസ് ഡി പി ഐ നേതാക്കൾ പറഞ്ഞു.
മുനിസിപ്പൽ വൈസ് പ്രസിഡന്റ്‌ കെ വി പി ഷാജഹാൻ, സെക്രട്ടറി നിസാം പുത്തൂർ, ഉനൈസ് ഒഞ്ചിയം, സവാദ് വടകര, റഹീസ് പി സി, ഫൈസൽ വള്ളിക്കാട്,യഹ്യ മാങ്ങാട്ട് പാറ , ഹാഷിദ്, സാജിദ് കെ വി പി എന്നിവർ ഉപരോധത്തിന് നേതൃത്വം നൽകി.
#Widespread #potholes #highway #Road #blockade #SDPI
