വടകര : (vatakara.truevisionnews.com) പാലയാട് ദേശീയ വായനശാലയുടെ കെട്ടിടോദ്ഘാടനത്തോടനുബന്ധിച്ചുള്ള "ഗ്രാമോത്സവം -2024" ൻ്റെ ഭാഗമായി സാഹിത്യ സദസ്സും മുൻകാല പ്രവർത്തകർക്കുള്ള ആദരവും സംഘടിപ്പിച്ചു.
സാഹിത്യകാരൻ വിമിഷ് മണിയൂർ പരിപാടി ഉദ്ഘാടനം ചെയ്തു. സാംസ്കാരിക പ്രവർത്തകൻ ഐ.പി. പത്മനാഭൻ മോഡറേറ്ററായി. സത്യൻ മണിയൂർ, കുനിയിൽ ശ്രീധരൻ, നിജീഷ് .കെ. കെ , അമയ എൻ.വി തുടങ്ങിയവർ സാഹിത്യ സദസിൽ കവിതകൾ അവതരിപ്പിച്ചു.
മുൻകാല ലൈബ്രറി പ്രവർത്തകരായ ഇ.നാരായണൻ മാസ്റ്റർ, പുതിയോട്ടിൽ കുമാരൻ, നരേന്ദ്രൻ ടി.വി, ഗോപി കൊയമ്പ്രത്ത്, പനക്കൽ മാധവൻ, ബാലൻ പി.പി., ഗംഗാധരൻ വി.സി., രത്നാകരൻ മാസ്റ്റർ ഒ ബാലകൃഷ്ണൻ ഒ രവീന്ദ്രൻ എൻ.എൻ എന്നിവർക്ക് ആദരം നൽകി.കെ.പി. ബാബു, ഷൈജു കെ. പി. , വിജയൻ വി.കെ, കെ.കെ രാജേഷ് മാസ്റ്റർ എന്നിവർ സംസാരിച്ചു.
Literary #Palayad #National #Library #honored #past #workers
