---
title: "#Foundbodydeath | കാരവനിൽ മരിച്ച സംഭവം; കാർബൺമോണോക്‌സൈഡ് എത്തിയതെങ്ങനെ,ശാസ്ത്രീയ പരിശോധന ഇന്ന് "
english_title: "#Incident #youths #died #caravan #Scientific #testing #today"
publisher: "vatakaranews.in"
canonical_url: "https://vatakara.truevisionnews.com/news/260792/incident-youths-died-caravan-scientific-testing-today"
published_at: "2025-01-03T10:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6777703be78ca_caravan.jpg"
keywords: []
---

# #Foundbodydeath | കാരവനിൽ മരിച്ച സംഭവം; കാർബൺമോണോക്‌സൈഡ് എത്തിയതെങ്ങനെ,ശാസ്ത്രീയ പരിശോധന ഇന്ന് 

> **Lead Summary:** **വടകര: **കോഴിക്കോട് വടകരയിൽ കാരവാനിൽ യുവാക്കൾ മരിച്ച സംഭവത്തിൽ വിഷവാതകമായ കാർബൺ മോണോക്സൈഡ് വാഹനത്തിലെത്തിയത് എങ്ങിനെയെന്ന് കണ്ടെത്താനുള്ള ശാസ്ത്രീയ പരിശോധന ഇന്ന്.

## Article Content

**വടകര: **കോഴിക്കോട് വടകരയിൽ കാരവാനിൽ യുവാക്കൾ മരിച്ച സംഭവത്തിൽ വിഷവാതകമായ കാർബൺ മോണോക്സൈഡ് വാഹനത്തിലെത്തിയത് എങ്ങിനെയെന്ന് കണ്ടെത്താനുള്ള ശാസ്ത്രീയ പരിശോധന ഇന്ന്.

പൊലീസിനൊപ്പം എൻഐടിയിലെ വിദഗ്ധ സംഘവും, ഫോറൻസിക് വിഭാഗവും, വാഹനം നിർമ്മിച്ച ബെൻസ് കമ്പനിയുടെ സാങ്കേതിക വിദഗ്ധരുമാണ് പരിശോധനയിൽ പങ്കെടുക്കുക.

കാര്‍ബണ്‍ മോണോക്സൈഡ് ശ്വസിച്ചാണ് മരണമെന്ന് പോസ്റ്റ്മോർട്ടം പ്രാഥമിക റിപ്പോർട്ടിൽ വ്യക്തമായിരുന്നു.

കാരവാനിൽ ഘടിപ്പിച്ചിരുന്ന ജനറേറ്ററിൽ നിന്നാവാം വിഷവാതകം വന്നതെന്നാണ് നിഗമനം. ഇതെങ്ങിനെ കാരവാനിനകത്ത് എത്തിയെന്ന് കണ്ടെത്താനാണ് പരിശോധന.

മലപ്പുറം സ്വദേശി മനോജ് കുമാറും കാസർഗോഡ് സ്വദേശി ജോയലുമാണ് മരിച്ചത്.

കഴിഞ്ഞ മാസം 23 നായിരുന്നു അപകടം.

### Related Links & Sources
- [Original Story Source](https://vatakara.truevisionnews.com/news/260792/incident-youths-died-caravan-scientific-testing-today)