---
title: "വഖഫ് പ്രക്ഷോഭം  വിജയം വരെ  പോരാട്ടം തുടരുമെന്ന്  പി എം എ സലാം"
english_title: " The Waqf movement fought until victory PMA Salam to continue"
publisher: "vatakaranews.in"
canonical_url: "https://vatakara.truevisionnews.com/news/27171/the-waqf-movement-fought-until-victory-pma-salam-to-continue"
published_at: "2022-02-19T10:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/621079d6b3820_pma salam.jpg"
keywords: []
---

# വഖഫ് പ്രക്ഷോഭം  വിജയം വരെ  പോരാട്ടം തുടരുമെന്ന്  പി എം എ സലാം

> **Lead Summary:** വടകര: ഇടതുപക്ഷ സര്‍ക്കാറിന്റെ ജന വിരുദ്ധ നിലപാടുകള്‍ക്കും മതവിരുദ്ധ നയങ്ങള്‍ക്കുമെതിരെ മുസ്ലിം ലീഗ് പാര്‍ട്ടി നടത്തുന്ന സമര പ്രക്ഷോഭങ്ങള്‍ ശക്തമായി മുന്നോട്ടു പോകുമെന്നും വഖഫ് നിയമം പിന്‍വലിക്കുന്നത് വരെ നീതിക്കുവേണ്ടിയുള്ള സമരം തുടരുമെന്നും നീതി ലഭ്യമാവുന്നതു വരെ സമരവഴിയില്‍ വിട്ടുവീഴ്ചയില്ലന്നും സംസ്ഥാനമുസ്ലിം ലീഗ് ജനറല്‍ സെക്രട്ടറി പി എം എ സലാം അഭിപ്രായപ്പെട്ടു.

## Article Content

വടകര: ഇടതുപക്ഷ സര്‍ക്കാറിന്റെ ജന വിരുദ്ധ നിലപാടുകള്‍ക്കും മതവിരുദ്ധ നയങ്ങള്‍ക്കുമെതിരെ മുസ്ലിം ലീഗ് പാര്‍ട്ടി നടത്തുന്ന സമര പ്രക്ഷോഭങ്ങള്‍ ശക്തമായി മുന്നോട്ടു പോകുമെന്നും വഖഫ് നിയമം പിന്‍വലിക്കുന്നത് വരെ നീതിക്കുവേണ്ടിയുള്ള സമരം തുടരുമെന്നും നീതി ലഭ്യമാവുന്നതു വരെ സമരവഴിയില്‍ വിട്ടുവീഴ്ചയില്ലന്നും സംസ്ഥാനമുസ്ലിം ലീഗ് ജനറല്‍ സെക്രട്ടറി പി എം എ സലാം അഭിപ്രായപ്പെട്ടു.

വഖഫ് പ്രക്ഷോഭ രണ്ടാം ഘട്ട സമരപരിപാടികളുടെ ഭാഗമായി പഞ്ചായത്ത് മുന്‍സിപ്പല്‍ കേന്ദ്രങ്ങളില്‍ നടന്ന പ്രക്ഷോഭ സമരസംഗമം ഏറാമല പഞ്ചായത്തിലെ ഓര്‍ക്കാട്ടേരിയില്‍ സംസ്ഥാനതല ഉല്‍ഘാടനം ചെയ്തു സംസാരിക്കുകയായിരുന്നു അദ്ദേഹം. കോഴിക്കോട് നടന്ന വഖഫ് സംരക്ഷണ റാലി ബഹുജന താക്കീതായിരുന്നുവെങ്കില്‍ വരുംദിവസങ്ങളില്‍ കേരളം കാണാന്‍ പോകുന്ന ശക്തമായ സമരം നിയമം പിന്‍വലിക്കുന്നതു വരെ തുടരുമെന്നും മുസ്ലിം സമുദായത്തെ ഭിന്നിപ്പിച്ച് കൂടെ നിര്‍ത്താമെന്ന മിഥ്യാ ധാരണയുള്ള മുഖ്യമന്ത്രിക്കും സിപിഎമ്മിനും വഖഫ് സംരക്ഷണ റാലിയില്‍ ഉയര്‍ന്നു വന്ന പ്രതിഷേധം തിരിച്ചറിയാന്‍ കഴിയണം.

കലക്ട്രേറ്റ് ഉള്‍പ്പടയുള്ള അധികാര കേന്ദ്രങ്ങളില്‍ നീതിക്കുവേണ്ടിയുള്ള പ്രതിഷേധ പോരാട്ടം വരും ദിവസങ്ങളില്‍ തുടരുമെന്നും അധികാര ധാര്‍ഷ്ട്യവും ഭീഷണിക്കും മുമ്പില്‍ പതറുന്ന പാര്‍ട്ടിയല്ല മുസ്ലിം ലീഗ് എന്നും വരും ദിവസങ്ങളില്‍ സമരം കൂടുതല്‍ ശക്തിപ്പെടുത്തുമെന്നും അദ്ധേഹം അഭിപ്രായപ്പെട്ടു.കെ കെ കുഞ്ഞമ്മദ് അധ്യക്ഷത വഹിച്ചു.

പി പി ജാഫര്‍ സ്വാഗതം പറഞ്ഞു ഒ കെ കുഞ്ഞബ്ദുള്ള മാസ്റ്റര്‍. നാദാപുരം ഗ്രാമ പഞ്ചായത്ത് പ്രസിഡന്റ് വി വി മുഹമ്മദലി. ഏറാമല ഗ്രാമ പഞ്ചായത്ത് പ്രസിഡന്റ് ഷക്കീല ഈങ്ങോളി . ഒ കെ ഇബ്രാഹിം.വി എം മുസ്തഫ മാസ്റ്റര്‍. ഷുഹൈബ് കുന്നത്ത്. എ വി അബൂബക്കര്‍ മൗലവി .ടി പി ഗഫൂര്‍ മാസ്റ്റര്‍ എം കെ യൂസഫ് ഹാജി .കോമത്ത് അബൂബക്കര്‍.കെ ഇ ഇസ്മായില്‍.ഹാഫിസ് മാതാഞ്ചേരി.പി ടി കെ നവാസ്.തുടങ്ങിയവര്‍ പ്രസംഗിച്ചു.ഒ പി മൊയ്തു നന്ദിയും പറഞ്ഞു.

### Related Links & Sources
- [Original Story Source](https://vatakara.truevisionnews.com/news/27171/the-waqf-movement-fought-until-victory-pma-salam-to-continue)