വടകര : ( vatakaranews.in ) വടകര മാർക്കറ്റ് റോഡിലെ ഗിഫ്റ്റ് ഹൗസ് എന്ന കടയിൽ ഉടമ സൂക്ഷിച്ച 24 പവൻ സ്വർണം കവർന്ന കേസിൽ ഒരു സ്ത്രീകൂടി അറസ്റ്റിൽ . കുരിയാടി ഫിഷർമെൻറ് കോളനിയിലെ മീനയെയാണ് വടകര ഇൻസ്‌പെക്ടർ കെ മുരളീധരനും സംഘവും പിടികൂടിയത്.
കടയിലെ ജീവനക്കാരനായ സുനിലിനെ നേരത്തെ അറസ്റ്റ് ചെയ്തിരുന്നു. കടയുടമ ഗീത രാജേന്ദ്രൻ അലമാരയിൽ സൂക്ഷിച്ച സ്വർണം സുനിൽ മോഷ്ടിച്ചെന്നാണ് കേസ്.
ഈ സ്വർണം രണ്ട് സഹകരണ സ്ഥാപനങ്ങളിൽ പണയം വെച്ചത് മീനയാണെന്ന് പൊലീസ് പറഞ്ഞു. ഇരുവരും തമ്മിൽ പരിചയക്കാരാണെന്നും പൊലീസ് പറഞ്ഞു.
പണയം വച്ച സ്വർണം പൊലീസ് കണ്ടെടുത്തു. അന്വേഷണ സംഘത്തിൽ എസ് ഐ കെ ബി രഞ്ജിത്ത് , എ എസ് ഐമാരായ ഗണേശൻ, ദീപ തുടങ്ങിയവരും ഉണ്ടായി.
Another woman arrested Vadakara theft case
.jpeg)
