---
title: "ആഘോഷങ്ങള്‍ തുടരുന്നു ;  വടകര ഫെസ്റ്റില്‍ അമ്യൂസ്‌മെന്റ്  ഉദ്ഘാടനം നാളെ"
english_title: " amusement inauguration tomorrow celebrations continue at vadakara fest"
publisher: "vatakaranews.in"
canonical_url: "https://vatakara.truevisionnews.com/news/32713/amusement-inauguration-tomorrow-celebrations-continue-at-vadakara-fest"
published_at: "2022-03-19T16:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6235b738576cb_fest .jpg"
keywords: []
---

# ആഘോഷങ്ങള്‍ തുടരുന്നു ;  വടകര ഫെസ്റ്റില്‍ അമ്യൂസ്‌മെന്റ്  ഉദ്ഘാടനം നാളെ

> **Lead Summary:** വടകര : വടകര ഫെസ്റ്റിൽ ആഘോഷങ്ങൾ തുടരുന്നു. അമ്യൂസ്‌മെൻറ് ഉദ്ഘാടനം മാർച്ച് 20ന് കെ.കെ രമ എംഎൽഎ നിർവ്വഹിക്കും. നവ കേരളം കാർഷിക വ്യാവസായിക പ്രദർശനം ആരംഭിച്ചതോടെയാണ് വടകരക്കാർക്ക് വിനോദത്തിന്റെയും വിജ്ഞാനത്തിന്റെയും ആഘോഷങ്ങൾക്ക് തുടക്കമായത്.

## Article Content

വടകര : വടകര ഫെസ്റ്റിൽ ആഘോഷങ്ങൾ തുടരുന്നു. അമ്യൂസ്‌മെൻറ് ഉദ്ഘാടനം മാർച്ച് 20ന് കെ.കെ രമ എംഎൽഎ നിർവ്വഹിക്കും. നവ കേരളം കാർഷിക വ്യാവസായിക പ്രദർശനം ആരംഭിച്ചതോടെയാണ് വടകരക്കാർക്ക് വിനോദത്തിന്റെയും വിജ്ഞാനത്തിന്റെയും ആഘോഷങ്ങൾക്ക് തുടക്കമായത്.

മുൻസിപ്പൽ ചെയർപേഴ്‌സൺ കെ.പി ബിന്ദു എക്‌സിബിഷൻ ഉദ്ഘാടനം ചെയ്തു. പൊതുമരാമത്ത് സ്റ്റാന്റിംഗ് കമ്മിറ്റി ചെയർമാൻ ബിജു എം പവലിയൻ ഉദ്ഘാടനം ചെയ്തു . വാർഡ് കൗൺസിലർ റീജ പറമ്പത്ത് രണ്ടാം പവലിയൻ ഉദ്ഘാടനം ചെയ്തു.

ഏപ്രിൽ 3 വരെ വടകര പുതിയ ബസ് സ്റ്റാഡ് പരിസരത്താണ് ഫെസ്റ്റ്. കാർഷിക വ്യാവസായിക പ്രദർശനത്തിൽ ,ഫ്‌ലവർ ഷോ, അമ്യൂസ്‌മെൻറ് പാർക്ക് ,സർക്കാർ അർധ സർക്കാർ ' പവലിയനുകൾ ,കൊമേഴ്‌സ്യൽ എക്ലിബിഷനുകൾ, മോട്ടോർ എക്‌സിബിഷനുകൾ, ഫുഡ് കോർട്ട് ,കരകൗശല മേള എന്നിങ്ങനെ വിവിധങ്ങളായ വിരുന്നുകൾ ഒരുക്കിയിട്ടുണ്ട്.

ഓൾ കേരള ഇൻഡിപെൻഡന്റ് എക്‌സിബിഷൻ വർക്കേഴ്‌സ് യൂണിയന്റെ നേതൃത്വത്തിലാണ് എക്‌സിബിഷൻ സംഘടിപ്പിക്കുന്നത്. മേളയിൽ നിന്ന് ലഭിക്കുന്ന തുക സർക്കാറിന്റെ കോവഡ് 19 പുനരധിവാസ ഫണ്ടിലേക്ക് സമർപ്പിക്കുമെന്ന് യൂണിയൻ ഭാരവാഹികൾ അറിയിച്ചു.

ഫ്‌ളവർ ഷോ മാർച്ച് 21 ന് കെ. മുരളീധരൻ എം പി ഉദ്ഘാടനം ചെയ്യും. മാർച്ച് 24 ന് നടൻ കോട്ടയം റഷീദ് ,മാർച്ച് 30 ന് സിനിമാ താരം സുരാജ് വെഞ്ഞാറമൂട് എന്നിവർ അതിഥികളായെത്തും . മാർച്ച് 28ന് സൈബർ കുറ്റകൃത്യങ്ങളും നിയമപരിരക്ഷയും എന്ന വിഷയത്തിൽ രംഗീഷ് കടവത്തിന്റെ സെമിനാർ നടക്കും.

### Related Links & Sources
- [Original Story Source](https://vatakara.truevisionnews.com/news/32713/amusement-inauguration-tomorrow-celebrations-continue-at-vadakara-fest)