---
title: "കേരളത്തിൻ്റെ ഭാവി വികസനം ഉറപ്പുവരുത്താൻ എൽ ഡി എഫ് മൂന്നാമതും അധികാരത്തിൽ വരണം - വി എസ് സുനിൽകുമാർ"
english_title: "LDF should come to power for the third time to ensure the future development of Kerala - VS Sunilkumar"
publisher: "vatakaranews.in"
canonical_url: "https://vatakara.truevisionnews.com/news/343785/ldf-should-come-to-power-for-the-third-time-to-ensure-the-future-development-of-kerala-vs-sunilkumar"
published_at: "2026-02-23T19:12:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699c599fe10c6_9.jpg"
keywords: []
---

# കേരളത്തിൻ്റെ ഭാവി വികസനം ഉറപ്പുവരുത്താൻ എൽ ഡി എഫ് മൂന്നാമതും അധികാരത്തിൽ വരണം - വി എസ് സുനിൽകുമാർ

> **Lead Summary:** **ആയഞ്ചേരി:** കേരളത്തിൻ്റെ ഭാവി വികസനം ഉറപ്പുവരുത്താനും ക്ഷേമ പ്രവർത്തനങ്ങൾ തുടരാനും എൽ ഡി എഫ് സർക്കാർ മൂന്നാമതും അധികാരത്തിൽ വരണമെന്ന് സി പി ഐ സംസ്ഥാന എക്സിക്യൂട്ടീവ് അംഗം വി എസ് സുനിൽകുമാർ പറഞ്ഞു.

## Article Content

**ആയഞ്ചേരി:** കേരളത്തിൻ്റെ ഭാവി വികസനം ഉറപ്പുവരുത്താനും ക്ഷേമ പ്രവർത്തനങ്ങൾ തുടരാനും എൽ ഡി എഫ് സർക്കാർ മൂന്നാമതും അധികാരത്തിൽ വരണമെന്ന് സി പി ഐ സംസ്ഥാന എക്സിക്യൂട്ടീവ് അംഗം വി എസ് സുനിൽകുമാർ പറഞ്ഞു.

ലോകത്തിന് തന്നെ മാതൃകയായ കേരളത്തിലെ പൊതുജനാരോഗ്യ രംഗത്തെ തകർക്കാനുള്ള ആസൂത്രിതമായ നീക്കങ്ങളാണ് നടക്കുന്നത്. ഒറ്റപ്പെട്ട സംഭവങ്ങളെ പർവ്വതീകരിക്കുകയാണ്.

കേരളത്തിലെ സ്വകാര്യ ആശുപത്രികളിൽ നിക്ഷേപം നടത്തിയിട്ടുള്ള കോർപ്പറേറ്റ് കമ്പനികളും അവരുടെ താല്പര്യ സംരക്ഷകരുമാണ് ഈ നീക്കത്തിന് പിന്നിൽ പ്രവർത്തിക്കുന്നത്. കോർപ്പറേറ്റ് കമ്പനികളുടെ താല്പര്യം സംരക്ഷിക്കുന്ന നിലപാടാണ് കേരളത്തിലെ യു ഡി എഫും ബി ജെ പിയും സ്വീകരിക്കുന്നതെന്നും വി എസ് സുനിൽകുമാർ പറഞ്ഞു.

സി പി ഐ കുറ്റ്യാടി മണ്ഡലം തെരഞെടുപ്പ് കൺവൻഷൻ ആയഞ്ചേരിയിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ല എക്സിക്യൂട്ടീവ് അംഗം പി സുരേഷ് ബാബു അധ്യക്ഷത വഹിച്ചു.

ജില്ല സെക്രട്ടറി അഡ്വ. പി ഗവാസ്, ജില്ല എക്സിക്യൂട്ടീവ് അംഗങ്ങളായ ആർ സത്യൻ, രജീന്ദ്രൻ കപ്പള്ളി, മണ്ഡലം സെക്രട്ടറി അഡ്വ. കെ പി ബിനൂപ്,ജില്ല കൗൺസിൽ അംഗം കെ പി പവിത്രൻ, എൻ എം വിമല, ടി സുരേന്ദ്രൻ എന്നിവർ സംസാരിച്ചു.

### Related Links & Sources
- [Original Story Source](https://vatakara.truevisionnews.com/news/343785/ldf-should-come-to-power-for-the-third-time-to-ensure-the-future-development-of-kerala-vs-sunilkumar)