---
title: "തോടന്നൂർ ബ്ലോക്ക് പഞ്ചായത്ത് ഇഫ്താർ സംഗമവും അനുമോദനവും സംഘടിപ്പിച്ചു"
english_title: "Thodannoor Block Panchayat organized Iftar gathering and felicitation"
publisher: "vatakaranews.in"
canonical_url: "https://vatakara.truevisionnews.com/news/347039/thodannoor-block-panchayat-organized-iftar-gathering-and-felicitation"
published_at: "2026-03-11T14:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69b13449cd527_3.jpg"
keywords: []
---

# തോടന്നൂർ ബ്ലോക്ക് പഞ്ചായത്ത് ഇഫ്താർ സംഗമവും അനുമോദനവും സംഘടിപ്പിച്ചു

> **Lead Summary:** **തോടന്നൂർ: **തോടന്നൂർ ബ്ലോക്ക് പഞ്ചായത്തിന്റെ ആഭിമുഖ്യത്തിൽ ഇഫ്താർ സംഗമവും വിവിധ മേഖലകളിൽ നേട്ടം കൈവരിച്ചവർക്കുള്ള അനുമോദനവും സംഘടിപ്പിച്ചു.

## Article Content

**തോടന്നൂർ: **തോടന്നൂർ ബ്ലോക്ക് പഞ്ചായത്തിന്റെ ആഭിമുഖ്യത്തിൽ ഇഫ്താർ സംഗമവും വിവിധ മേഖലകളിൽ നേട്ടം കൈവരിച്ചവർക്കുള്ള അനുമോദനവും സംഘടിപ്പിച്ചു.

സംസ്ഥാനത്തെ മികച്ച മൂന്നാമത്തെ പഞ്ചായത്തായി തിരഞ്ഞെടുക്കപ്പെട്ട മണിയൂർ പഞ്ചായത്തിലെ ജനപ്രതിനിധികളെയും, തൊഴിലുറപ്പ് പദ്ധതിയിലെ മികവിന് മഹാത്മാ പുരസ്കാരത്തിൽ രണ്ടാം സ്ഥാനം നേടിയ മണിയൂർ പഞ്ചായത്ത് ജീവനക്കാരെയും ചടങ്ങിൽ ആദരിച്ചു.

കൂടാതെ, സംഗീത നാടക അക്കാദമിയുടെ സമഗ്ര സംഭാവനയ്ക്കുള്ള പുരസ്കാരം നേടിയ ബ്ലോക്ക് പഞ്ചായത്ത് ജീവനക്കാരൻ മനോജ് നാരായണനെയും ചടങ്ങിൽ അനുമോദിച്ചു. ബ്ലോക്ക് പഞ്ചായത്ത് പ്രസിഡന്റ് ടി.കെ. അഷറഫിന്റെ അധ്യക്ഷതയിൽ നടന്ന പരിപാടിയിൽ റിട്ട. ജില്ലാ പഞ്ചായത്ത് സെക്രട്ടറി എ.വി. അബ്ദുൾ ലത്തീഫ് മുഖ്യപ്രഭാഷണം നടത്തി. പഞ്ചായത്ത് പ്രസിഡന്റുമാരായ എൽ.വി. രാമകൃഷ്ണൻ, കെ. ദിൻഷ, ആസ്യ തയ്യിൽ, ബ്ലോക്ക് പഞ്ചായത്ത് സെക്രട്ടറി മോഹൻരാജ് എന്നിവർ ചടങ്ങിൽ സംസാരിച്ചു.

### Related Links & Sources
- [Original Story Source](https://vatakara.truevisionnews.com/news/347039/thodannoor-block-panchayat-organized-iftar-gathering-and-felicitation)