---
title: "ആയഞ്ചേരിയിൽ 'അൽ മാഹിർ ' വിജയികളെ അനുമോദിച്ചു"
english_title: "'Al Mahir' winners felicitated in Ayanjary"
publisher: "vatakaranews.in"
canonical_url: "https://vatakara.truevisionnews.com/news/348393/al-mahir-winners-felicitated-in-ayanjary"
published_at: "2026-03-18T13:41:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69ba5f29657a8_12.jpg"
keywords: []
---

# ആയഞ്ചേരിയിൽ 'അൽ മാഹിർ ' വിജയികളെ അനുമോദിച്ചു

> **Lead Summary:** **ആയഞ്ചേരി : **കടമേരി എം.യു.പി. സ്കൂളിൽ നിന്നും ഈ വർഷം അൽ മാഹിർ സ്കോളർഷിപ്പ് പരീക്ഷയിൽ വിജയിച്ച വിദ്യാർത്ഥികളെ അനുമോദിച്ചു. യു.പി. വിഭാഗത്തിൽ 22 ഉം എൽ പി വിഭാഗത്തിൽ 12 പേരുമാണ് വിജയിച്ചത്. തോടന്നൂർ ഉപജില്ലയിൽ ഏറ്റവും കൂടുതൽ വിദ്യാർത്ഥികൾ വിജയിച്ച വിദ്യാലയവും കടമേരി എം. യു. പി സ്കൂളാണ്.

## Article Content

**ആയഞ്ചേരി : **കടമേരി എം.യു.പി. സ്കൂളിൽ നിന്നും ഈ വർഷം അൽ മാഹിർ സ്കോളർഷിപ്പ് പരീക്ഷയിൽ വിജയിച്ച വിദ്യാർത്ഥികളെ അനുമോദിച്ചു. യു.പി. വിഭാഗത്തിൽ 22 ഉം എൽ പി വിഭാഗത്തിൽ 12 പേരുമാണ് വിജയിച്ചത്. തോടന്നൂർ ഉപജില്ലയിൽ ഏറ്റവും കൂടുതൽ വിദ്യാർത്ഥികൾ വിജയിച്ച വിദ്യാലയവും കടമേരി എം. യു. പി സ്കൂളാണ്.

'മിദാദ്' അറബി ക്ലബ്ബിൻ്റെ ആഭിമുഖ്യത്തിൽ നടന്ന അനുമോദന പരിപാടി തോടന്നൂർ ബ്ലോക്ക് പഞ്ചായത്ത് വിദ്യാഭ്യാസ - ആരോഗ്യ സ്റ്റാൻഡിങ് കമ്മിറ്റി ചെയർമാൻ ഹാരിസ് മുറിച്ചാണ്ടി ഉദ്ഘാടനം ചെയ്തു. പി.ടി.എ. പ്രസിഡൻ്റ് ഇ. പി. മൊയ്തു അധ്യക്ഷനായി. വാർഡ് മെംബർ സി.കെ. ജമീല മുഖ്യാതിഥിയായി.

ചടങ്ങിൽ ജില്ലാ അറബിക് സാഹിത്യോത്സവത്തിൽ വിജയം നേടിയ പ്രതിഭകളെയും, ഉപജില്ല തൽസമയ കയ്യെഴുത്ത് മാഗസിൻ നിർമ്മാണ മത്സരത്തിൽ ഒന്നാം സ്ഥാനം ലഭിച്ച സ്കൂൾ ടീമിനെയും, അബാക്കസ് സംസ്ഥാനതലത്തിൽ നടത്തിയ മത്സര പരീക്ഷയിൽ ഒന്നും രണ്ടും സ്ഥാനങ്ങൾ നേടിയ വിദ്യാർഥികളെയും അനുമോദിച്ചു.

പ്രധാനാധ്യാപകൻ ടി.കെ. നസീർ , സ്റ്റാഫ് സെക്രട്ടറി കെ. അബ്ദുറഹിമാൻ, കെ. കെ സഫീറ, ടി.കെ. ഹാരിസ്, കെ. അഷറഫ്, എ.കെ. സുബൈർ, പി. കെ. ഷമീമ , ടി. റംല, കെ. കെ. അയ്യൂബ്, സി.എച്ച്. ഷഫീഖ്, സഫീന, മുഹമ്മദ് ആദിൽ എന്നിവർ സംസാരിച്ചു.

### Related Links & Sources
- [Original Story Source](https://vatakara.truevisionnews.com/news/348393/al-mahir-winners-felicitated-in-ayanjary)