---
title: "ആയഞ്ചേരിയിൽ തെരുവ് നായ ശല്യം രൂക്ഷം; കോഴികളെ കൊന്നൊടുക്കി"
english_title: "Stray dog ​​infestation in Ayanjary; Chickens killed"
publisher: "vatakaranews.in"
canonical_url: "https://vatakara.truevisionnews.com/news/348757/stray-dog-infestation-in-ayanjary-chickens-killed"
published_at: "2026-03-20T13:17:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69bd030c0b3b1_12.jpg"
keywords: []
---

# ആയഞ്ചേരിയിൽ തെരുവ് നായ ശല്യം രൂക്ഷം; കോഴികളെ കൊന്നൊടുക്കി

> **Lead Summary:** ആയഞ്ചേരി: ആയഞ്ചേരി പഞ്ചായത്തിലെ വള്ളിയാട്, മംഗലാട് മേഖലകളിൽ തെരുവ് നായ്ക്കളുടെ ശല്യം അതിരൂക്ഷമാകുന്നു. ഇന്നലെ പുലർച്ചെ വള്ളിയാട് മംഗലാട് റോഡിന് സമീപമുള്ള വരവ്കണ്ടി ഫൈസലിന്റെ വീട്ടിലെ എട്ടോളം കോഴികളെ ഒരു കൂട്ടം നായ്ക്കൾ ചേർന്ന് കൊന്നൊടുക്കി.

## Article Content

ആയഞ്ചേരി: ആയഞ്ചേരി പഞ്ചായത്തിലെ വള്ളിയാട്, മംഗലാട് മേഖലകളിൽ തെരുവ് നായ്ക്കളുടെ ശല്യം അതിരൂക്ഷമാകുന്നു. ഇന്നലെ പുലർച്ചെ വള്ളിയാട് മംഗലാട് റോഡിന് സമീപമുള്ള വരവ്കണ്ടി ഫൈസലിന്റെ വീട്ടിലെ എട്ടോളം കോഴികളെ ഒരു കൂട്ടം നായ്ക്കൾ ചേർന്ന് കൊന്നൊടുക്കി.

കോഴിക്കൂട് തകർത്താണ് നായ്ക്കൾ അകത്തുകടന്നത്. നേരത്തെ ഇതേ വീട്ടിലെ കുട്ടികളെ നായ്ക്കൾ പിന്തുടരുകയും, പരിക്കുകളോടെ അവർ കഷ്ടിച്ച് രക്ഷപ്പെടുകയും ചെയ്തിരുന്നു.

കാൽനടയാത്രക്കാർക്കും സ്കൂൾ കുട്ടികൾക്കും ഭീഷണിയായി നായ്ക്കൾ സംഘം ചേർന്ന് അലഞ്ഞുതിരിയുന്നത് പതിവായിട്ടും, പഞ്ചായത്ത് അധികൃതർ വേണ്ടത്ര ഗൗരവത്തോടെ നടപടി സ്വീകരിക്കുന്നില്ലെന്ന് നാട്ടുകാർ കുറ്റപ്പെടുത്തുന്നു.

### Related Links & Sources
- [Original Story Source](https://vatakara.truevisionnews.com/news/348757/stray-dog-infestation-in-ayanjary-chickens-killed)