---
title: "പഠനം ഇനി വെർച്വൽ റിയാലിറ്റിയിലൂടെ; വടകര ഡയറ്റിൽ സ്റ്റാർസ് പദ്ധതിയുടെ ഭാഗമായി പുതിയ ലാബുകൾ"
english_title: "New labs as part of the Vadakara Diet Stars project"
publisher: "vatakaranews.in"
canonical_url: "https://vatakara.truevisionnews.com/news/350425/new-labs-as-part-of-the-vadakara-diet-stars-project"
published_at: "2026-03-29T14:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69c8e3f650e28_VATA2.jpg"
keywords: []
---

# പഠനം ഇനി വെർച്വൽ റിയാലിറ്റിയിലൂടെ; വടകര ഡയറ്റിൽ സ്റ്റാർസ് പദ്ധതിയുടെ ഭാഗമായി പുതിയ ലാബുകൾ

> **Lead Summary:** **വടകര:[ **ഡയറ്റിൽ സമഗ്ര ശിക്ഷാ കേരളം സ്റ്റാർസ് പദ്ധതിയുടെ ഭാഗമായി ഒരുക്കിയ അത്യാധുനിക ലാബുകൾ പ്രവർത്തനസജ്ജമായി. ശാസ്ത്രം, ഗണിതം, സാമൂഹ്യ ശാസ്ത്രം എന്നീ വിഷയങ്ങൾക്കായി സജ്ജീകരിച്ച ലാബുകൾക്ക് പുറമെ അത്യാധുനിക സാങ്കേതികവിദ്യയായ വെർച്വൽ റിയാലിറ്റി ലാബും ഇതോടെ പഠനപ്രവർത്തനങ്ങൾക്കായി തുറന്നുനൽകി.

## Article Content

**വടകര:[ **ഡയറ്റിൽ സമഗ്ര ശിക്ഷാ കേരളം സ്റ്റാർസ് പദ്ധതിയുടെ ഭാഗമായി ഒരുക്കിയ അത്യാധുനിക ലാബുകൾ പ്രവർത്തനസജ്ജമായി. ശാസ്ത്രം, ഗണിതം, സാമൂഹ്യ ശാസ്ത്രം എന്നീ വിഷയങ്ങൾക്കായി സജ്ജീകരിച്ച ലാബുകൾക്ക് പുറമെ അത്യാധുനിക സാങ്കേതികവിദ്യയായ വെർച്വൽ റിയാലിറ്റി ലാബും ഇതോടെ പഠനപ്രവർത്തനങ്ങൾക്കായി തുറന്നുനൽകി.

ഡയറ്റ് ഓഡിറ്റോറിയത്തിൽ നടന്ന ചടങ്ങിൽ എസ്‌സിഇആർടി ഡയറക്ടർ ഡോ. ആർ.കെ. ജയപ്രകാശ് ലാബുകളുടെ ഉദ്ഘാടനം നിർവഹിച്ചു. ഡയറ്റ് പ്രിൻസിപ്പൽ ഡോ. യു.കെ. അബ്ദുന്നാസർ ചടങ്ങിൽ അധ്യക്ഷത വഹിച്ചു.

വിദ്യാഭ്യാസ രംഗത്തെ പുതിയ മുന്നേറ്റങ്ങളെക്കുറിച്ച് ഡോ. എ.കെ. അബ്ദുൽ ഹക്കീം, ഡോ. വി. ആതിര, ഗീത രാമദാസ് തുടങ്ങിയ പ്രമുഖർ സംസാരിച്ചു. ഉദ്ഘാടനത്തോടൊപ്പം തന്നെ ഡയറ്റിന്റെ കഴിഞ്ഞ ഒരു വർഷത്തെ പ്രവർത്തനങ്ങൾ വിവരിക്കുന്ന അമ്പതോളം ലഘുപുസ്തകങ്ങളുടെ പ്രകാശനവും ചടങ്ങിൽ നടന്നു.

വിരമിക്കുന്ന വിദ്യാഭ്യാസ ഓഫീസർമാരെ ആദരിക്കുകയും രാമാനുജൻ ഗണിതശാസ്ത്ര ക്വിസ് വിജയികൾക്കുള്ള സർട്ടിഫിക്കറ്റുകൾ ഡോ. ആർ.കെ. ജയപ്രകാശ് വിതരണം ചെയ്യുകയും ചെയ്തു. ഡോ. സലീമുദ്ദീൻ സ്വാഗതവും ഡോ. സജിന നന്ദിയും രേഖപ്പെടുത്തിയ ചടങ്ങിൽ വിദ്യാഭ്യാസ മേഖലയിലെ നിരവധി പ്രമുഖർ പങ്കെടുത്തു.

### Related Links & Sources
- [Original Story Source](https://vatakara.truevisionnews.com/news/350425/new-labs-as-part-of-the-vadakara-diet-stars-project)