---
title: "വടകര ലഹരി നിർമാർജന സമിതി യോഗം; ജില്ലാ എക്സിക്യൂട്ടീവ് ക്യാമ്പ് 30-ന് കൊയിലാണ്ടിയിൽ നടക്കും"
english_title: "Vadakara Drug Eradication Committee meeting; District Executive Camp to be held in Koyilandy on 30th"
publisher: "vatakaranews.in"
canonical_url: "https://vatakara.truevisionnews.com/news/359760/vadakara-drug-eradication-committee-meeting-district-executive-camp-to-be-held-in-koyilandy-on-30th"
published_at: "2026-05-16T11:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a080f64aa244_deawfd.jpg"
keywords: []
---

# വടകര ലഹരി നിർമാർജന സമിതി യോഗം; ജില്ലാ എക്സിക്യൂട്ടീവ് ക്യാമ്പ് 30-ന് കൊയിലാണ്ടിയിൽ നടക്കും

> **Lead Summary:** വടകര: **[** ലഹരി നിർമാർജന സമിതി നോർത്ത് ജില്ല എക്സിക്യൂട്ടീവ് ക്യാമ്പ് 30ന് കൊയിലാണ്ടി നൂർ മഹലിൽ നടത്താൻ വടകരയിൽ ചേർന്ന ജില്ല നേതൃ യോഗം തീരുമാനിച്ചു. എലത്തൂർ, കൊയിലാണ്ടി, ബാലുശ്ശേരി, പേരാമ്പ്ര, കുറ്റ്യാടി, നാദാപുരം, വടകര എന്നീ നിയോജക മണ്ഡലങ്ങളിൽ നിന്ന് തിരഞ്ഞെടുക്കപ്പെട്ട പ്രതിനിധികളാണ് ക്യാമ്പിൽ പങ്കെടുക്കേണ്ടത്.

## Article Content

വടകര: **[** ലഹരി നിർമാർജന സമിതി നോർത്ത് ജില്ല എക്സിക്യൂട്ടീവ് ക്യാമ്പ് 30ന് കൊയിലാണ്ടി നൂർ മഹലിൽ നടത്താൻ വടകരയിൽ ചേർന്ന ജില്ല നേതൃ യോഗം തീരുമാനിച്ചു. എലത്തൂർ, കൊയിലാണ്ടി, ബാലുശ്ശേരി, പേരാമ്പ്ര, കുറ്റ്യാടി, നാദാപുരം, വടകര എന്നീ നിയോജക മണ്ഡലങ്ങളിൽ നിന്ന് തിരഞ്ഞെടുക്കപ്പെട്ട പ്രതിനിധികളാണ് ക്യാമ്പിൽ പങ്കെടുക്കേണ്ടത്.

രാവിലെ 9 മണിക്ക് തുടങ്ങുന്ന ക്യാമ്പ് വൈകിട്ട് നാലു മണിക്ക് സമാപിക്കും. ഒരു വർഷത്തേക്കുള്ള കർമപദ്ധതി ക്യാമ്പിൽ അവതരിപ്പിക്കും. നോർത്ത് ജില്ലയിലെ മുഴുവൻ നിയോജക മണ്ഡലങ്ങളിലും കമ്മിറ്റി പുനഃസംഘടിപ്പിക്കാൻ തീരുമാനിച്ചു. ജില്ലാ കോർഡിനേറ്ററായി എം.കെ അഷ്റഫ് വാണിമേലിനെ തിരഞ്ഞെടുത്തു.

വടകര സി.എച്ച് സെന്ററിൽ ചേർന്ന യോഗത്തിൽ ജില്ലാ വൈസ് പ്രസിഡന്റ് സയ്യിദ് അബ്ബാസ് തങ്ങൾ അധ്യക്ഷത വഹിച്ചു. ജനറൽ സെക്രട്ടറി അബ്ദുൽ കരീം കോച്ചേരി സ്വാഗതം പറഞ്ഞു. സംസ്ഥാന ഭാരവാഹികളായ ഹുസൈൻ കമ്മന, മജീദ് ഹാജി വടകര, പി സഫിയ, ജില്ലാ ഭാരവാഹികളായ എം.കെ അ ഷ്റഫ്, ഷാഫി ഹാജി കൊയിലാണ്ടി, ഉസ്മാൻ പേരാമ്പ്ര സംസാരിച്ചു.

### Related Links & Sources
- [Original Story Source](https://vatakara.truevisionnews.com/news/359760/vadakara-drug-eradication-committee-meeting-district-executive-camp-to-be-held-in-koyilandy-on-30th)