---
title: "താലൂക്ക് വികസന സമിതി യോഗത്തിൽ പങ്കെടുക്കാത്ത ഉദ്യോഗസ്ഥർക്ക് എതിരെ നടപടി വേണം"
english_title: "Action should be taken against officials who did not attend the Taluk Development Committee meeting"
publisher: "vatakaranews.in"
canonical_url: "https://vatakara.truevisionnews.com/news/364451/action-should-be-taken-against-officials-who-did-not-attend-the-taluk-development-committee-meeting"
published_at: "2026-06-07T12:18:00+05:30"
category: "News"
language: "ml"
image: "https://vatakara.truevisionnews.com/image-uploads/6a25146355ab6_dvsfv.jpg"
keywords: ["latest news", "Taluk Development Committee", "K.K Rama", "K.M Abhijith"]
---

# താലൂക്ക് വികസന സമിതി യോഗത്തിൽ പങ്കെടുക്കാത്ത ഉദ്യോഗസ്ഥർക്ക് എതിരെ നടപടി വേണം

> **Lead Summary:** വടകര: **[**താലൂക്ക് വി കസന സമിതി യോഗത്തിൽ പങ്കെടുക്കാത്ത ഉദ്യോഗസ്ഥർക്ക് എതിരെ കർശന നടപടിയെടുക്കണമെന്ന് സമിതി യോഗം ആവശ്യപ്പെട്ടു. വകുപ്പ് തല മേധാവികളുടെ അഭാവം സമിതി പ്രവർത്തനം താളം തെറ്റിക്കുന്നതായി വ്യാപക പരാതി ഉയർന്നിരുന്നു.ഇത്തരം ഉദ്യോസ്ഥർക്ക് എതിരെ നടപടി ആവശ്യപ്പെടുമെന്ന് എം എൽ എ മാരായ കെ കെ രമ, കെ എം അഭിജിത്ത് എന്നിവർ പറഞ്ഞു.

## Article Content

വടകര: **[**താലൂക്ക് വി കസന സമിതി യോഗത്തിൽ പങ്കെടുക്കാത്ത ഉദ്യോഗസ്ഥർക്ക് എതിരെ കർശന നടപടിയെടുക്കണമെന്ന് സമിതി യോഗം ആവശ്യപ്പെട്ടു. വകുപ്പ് തല മേധാവികളുടെ അഭാവം സമിതി പ്രവർത്തനം താളം തെറ്റിക്കുന്നതായി വ്യാപക പരാതി ഉയർന്നിരുന്നു.ഇത്തരം ഉദ്യോസ്ഥർക്ക് എതിരെ നടപടി ആവശ്യപ്പെടുമെന്ന് എം എൽ എ മാരായ കെ കെ രമ, കെ എം അഭിജിത്ത് എന്നിവർ പറഞ്ഞു.

സമിതി പ്രവർത്തനം കാര്യമമാക്കുന്നതുമായി ബന്ധപ്പെട്ട കാര്യങ്ങൾ സർക്കാറിന്റെ ശ്രദ്ധയിൽ കൊണ്ടുവരും. ഹാജരാവത്ത ഉദ്യോസ്ഥരുടെ പേരിൽ നടപടിയെടുക്കണമെന്ന് ഇരുവരും പറഞ്ഞു. വകുപ്പ് മേധാവികൾ ഹാജരാവത്ത വിഷയം ചെക്യാട് പഞ്ചായത്ത് പ്രസിഡണ്ട് അഹമ്മദ് പുന്നക്കൽ , സമിതി അംഗം പ്രദീപ് ചോമ്പാല എന്നിവരാണ് ഉന്നയിച്ചത്.

ദേശിയ പാതയിലെ സർവ്വീസ് റോഡിലെ തകർച്ച മുലം നേരിടുന്ന വിഷയങ്ങൾ ചർച്ച ചെയ്യാൻ ഉന്നതതല യോഗം വിളിക്കുമെന്ന് കെ കെ രമ യോഗത്തിൽ പറഞ്ഞു.ഷാഫി പറമ്പിൽ എം പി യും പങ്കെടുക്കും. സർവ്വിസ് റോഡിന്റെ തകർച്ച മുലമുള്ള ഗതാഗത കുരുക്ക് അടക്കമുള്ള വിഷയങ്ങൾ .സമിതി അംഗങ്ങളായ ബാബു ഒഞ്ചിയം, പി എം മുസ്തഫ എന്നിവരാണ് ഉന്നയിച്ചത്.

ജലജി വൽ മിഷ്യൻ പദ്ധതി നടപ്പിലാക്കിയതുമായി ബന്ധപ്പെട്ട് റോഡുകളു ടെ തകർച്ചക്ക് പരിഹാരം വേണമെന്ന്ഗ്രാമ പഞ്ചായത്ത് പ്രസിഡണ്ടുമാരായ ഷൈജി പ്രമോദ് (ചോറോട് ), മുജീബ് റഹ് മാൻ (വേളം),ഷജിന പ്രമോദ് (ഒഞ്ചിയം) സമിതി അംഗം ടി വി ഗംഗാധരൻ എന്നിവർ ആവശ്യപ്പെട്ടു. ഫണ്ട് ലഭ്യതക്ക് അനുസരിച്ച് തകർന്ന റോഡ് ഗതാഗത യോഗ്യമാക്കാൻ നടപടി സ്വീകരിച്ച് വരുന്നതായി വാട്ടർ അതോററി വിഭാഗം അറിയിച്ചു.

നഗര ഹൃദയമായ വടകര കോടതിക്ക് മുന്നിൽ അഞ്ച് വിളക്കും ഗാന്ധി പ്രതിമയും തകർന്നതായി സമിതി അംഗം പി പി രാജൻ പറഞ്ഞു. ഇത് സംരക്ഷിക്കണമെന്ന് അദ്ദേഹം പറഞ്ഞു. കനത്ത മഴ തുടരുന്ന സാഹചര്യത്തിൽ ദുരന്തം ആവർത്തിക്കാതിരിക്കാൻ വിലങ്ങാട്ട് മേഖലയിൽ പ്രത്യേക ശ്രദ്ധ വേണമെന്ന് അഭിജിത്ത് ആവശ്യപ്പെട്ടു. ചടങ്ങിൽ കെ എം അഭിജിത്ത് എം എൽ എ അധ്യക്ഷത വഹിച്ചു. താഹസിൽദാർ എൻ കെ സുബൈയിർ , സമിതി അംഗങ്ങളായ പി പി രാജൻ, പ്രദീപ് ചോമ്പാല , ടി വി ഗംഗാധരൻ , പി എം മുസ്തഫ എന്നിവർ സംസാരിച്ചു.

### Related Links & Sources
- [Original Story Source](https://vatakara.truevisionnews.com/news/364451/action-should-be-taken-against-officials-who-did-not-attend-the-taluk-development-committee-meeting)