#Latest News #Vatakara #Service Road #KK Rama #MLA
വടകര: (vatakara.truevisionnews.com) വടകര മേഖലയിലെ ഗതാഗത കുരുക്ക് പരിഹരിക്കാൻ സർവ്വീസ് റോഡ് അടിയന്തിരമായി നവീകരിക്കാൻ സർക്കാർ ഇടപെടണമെന്നും, വികസനത്തിന് തടസ്സം നിൽക്കുന്ന നഗരത്തിലെ അനധികൃത പാർക്കിംഗ് മാറ്റണമെന്നും കെ.കെ. രമ എം.എൽ.എ. പറഞ്ഞു.
വടകര ഡവലപ്പ്മെൻ്റ് ഫോറം നേതൃത്വത്തിൽ " റൂറൽ എസ് .പി ഓഫീസ് മുതൽ കൈനാട്ടി വരെ സർവ്വീസ് റോഡ് നവീകരിച്ച് ഗതാഗതം സുഗമമാക്കുക , മാർക്കറ്റ് റോഡ്, ജെ.ടി.റോഡ്, മെയിൻ റോഡ് എന്നിവിടങ്ങളിലെ അനധികൃത പാർക്കിംഗും ഗതാഗത കുരുക്കും ഒഴിവാക്കുക " എന്നീ ആവശ്യങ്ങൾ ഉന്നയിച്ചു കൊണ്ട് നടത്തിയ സായാഹ്നധർണ ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു കെ.കെ. രമ എം.എൽ.എ.
പുതിയ ബസ്സ് സ്റ്റാൻ്റ് പരിസരത്ത് നടന്ന ധർണ യിൽ ഫോറം പ്രസിഡണ്ട് അഡ്വ: ഇ.നാരായണൻ നായർ അധ്യക്ഷതവഹിച്ചു. സി.കെ. വിജയൻ , വിനോദ് ചെറിയ ത്ത് , എ . പി . ഹരിദാസൻ , കെ. എൻ. വിനോദ് , അഡ്വ: രാജൻ കായക്ക, കെ. ബാലകൃഷ്ണൻ, വി.പി. രമേശൻ , വി . അസീസ് ടി.കെ. രാമദാസ് , സൽവ കുഞ്ഞമ്മദ് ,എ വിജയൻ, ഉഷസ്സ് ഗോപാലൻ എന്നിവർ സംസാരിച്ചു.
Content Highlight: K.K. Rama calls for urgent renovation of service road to resolve traffic congestion
