---
title: "ജലജീവൻ ; വടകര വാട്ടർ അതോറിറ്റി ഓഫീസിലേക്ക് പ്രതിഷേധ ധർണ്ണ നടത്തി "
english_title: "Protest dharna held at Vadakara Water Authority office"
publisher: "vatakaranews.in"
canonical_url: "https://vatakara.truevisionnews.com/news/367865/protest-dharna-held-at-vadakara-water-authority-office"
published_at: "2026-06-23T16:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a3a6c2db876f_dgfdfg.jpg"
keywords: ["latest news", "Protest", "Water Authority", "Vadakara"]
---

# ജലജീവൻ ; വടകര വാട്ടർ അതോറിറ്റി ഓഫീസിലേക്ക് പ്രതിഷേധ ധർണ്ണ നടത്തി 

> **Lead Summary:** വില്ല്യാപ്പള്ളി: **[**ജലജീവൻ മിഷൻ പദ്ധതിയുടെ ഭാഗമായി വില്ല്യാപ്പള്ളി പഞ്ചായത്തിലെ വിവിധ റോഡുകളിൽ എടുത്ത കുഴികൾ മൂടി ഗതാഗതയോഗ്യമാക്കണമെന്ന് ആവശ്യപ്പെട്ട് പഞ്ചായത്ത് ഭരണസമിതി വടകര വാട്ടർ അതോറിറ്റി ഓഫീസിലേക്ക് പ്രതിഷേധ ധർണ്ണ നടത്തി.

## Article Content

വില്ല്യാപ്പള്ളി: **[**ജലജീവൻ മിഷൻ പദ്ധതിയുടെ ഭാഗമായി വില്ല്യാപ്പള്ളി പഞ്ചായത്തിലെ വിവിധ റോഡുകളിൽ എടുത്ത കുഴികൾ മൂടി ഗതാഗതയോഗ്യമാക്കണമെന്ന് ആവശ്യപ്പെട്ട് പഞ്ചായത്ത് ഭരണസമിതി വടകര വാട്ടർ അതോറിറ്റി ഓഫീസിലേക്ക് പ്രതിഷേധ ധർണ്ണ നടത്തി.

മൂന്ന് വർഷത്തിലധികമായി പൈപ്പിടുന്നതിനായി പഞ്ചായത്തിലെ ഭൂരിഭാഗം റോഡുകളും കുഴിച്ചിട്ടിരിക്കുകയാണ്. എന്നാൽ ഇതുവരെയും ഇവ പൂർവ്വസ്ഥിതിയിലാക്കാൻ അധികൃതർ തയ്യാറായിട്ടില്ല.

റോഡുകളിൽ നീളത്തിൽ രൂപപ്പെട്ട വലിയ കുഴികൾ കാരണം വാഹന ഗതാഗതം പൂർണ്ണമായി തസ്സപ്പെട്ട നിലയിലാണ്. ഇത് വിദ്യാർത്ഥികൾക്കും രോഗികൾക്കും ഉൾപ്പെടെയുള്ള പൊതുജനങ്ങൾക്ക് കടുത്ത യാത്രാദുരിതമാണ് സമ്മാനിക്കുന്നത്. വിഷയത്തിൽ അധികൃതരെ സമീപിക്കുമ്പോൾ പലവിധ കാരണങ്ങൾ പറഞ്ഞ് ഒഴിഞ്ഞുമാറുകയാണ് ചെയ്യുന്നതെന്ന് ഭരണസമിതി കുറ്റപ്പെടുത്തി.

ജനങ്ങളുടെ ദുരിതത്തിന് ഉടനടി പരിഹാരമായില്ലെങ്കിൽ ശക്തമായ ബഹുജന സമരവുമായി മുന്നോട്ട് പോകുമെന്ന് ഭരണസമിതി അംഗങ്ങൾ മുന്നറിയിപ്പ് നൽകി. പഞ്ചായത്ത് പ്രസിഡന്റ് പി.പി. പ്രഭാകരൻ മാസ്റ്റർ പ്രതിഷേധ ധർണ്ണ ഉദ്ഘാടനം ചെയ്തു. സി.കെ. ഗീത അധ്യക്ഷത വഹിച്ച ചടങ്ങിൽ പുത്തലത്ത് ഇബ്രാഹിം, ഒ.പി. രാജൻ, അമർനാഥ്, നവാസ് കോറോത്ത്, ഷറഫുദ്ദീൻ കൈതയിൽ, റിഷാദ് വടക്കയിൽ, രാജീവൻ മാസ്റ്റർ, സിന്ധു കളിച്ചാട്ട്, ബദരിയ കുന്നുമ്മൽ, സെറീന കേളോത്ത്, അഷറഫ് കോറോത്ത്, സുനിത കുറ്റിപ്പുനത്തിൽ, ഷിജി തുടങ്ങിയവർ സംസാരിച്ചു.

### Related Links & Sources
- [Original Story Source](https://vatakara.truevisionnews.com/news/367865/protest-dharna-held-at-vadakara-water-authority-office)