---
title: "പോരാളികളുടെ സംഗമം ;  കെ.കെ. കൃഷ്ണൻ സ്മാരക ഹാൾ ഓർക്കാട്ടേരിയിൽ നാടിന് സമർപ്പിച്ചു  "
english_title: "KK Krishnan Memorial Hall Inaugurated at Orkkatteri by Karayi Rajan MLA"
publisher: "vatakaranews.in"
canonical_url: "https://vatakara.truevisionnews.com/news/372932/kk-krishnan-memorial-hall-inaugurated-at-orkkatteri-by-karayi-rajan-mla"
published_at: "2026-07-17T13:56:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a59e782721e4_kk-krishnan-memorial-hall-orkkatteri-inaugurated.jpg"
keywords: ["Latest news", "Orkkatteri", "CPI(M)", "Memorial Hall", "Political Violence"]
---

# പോരാളികളുടെ സംഗമം ;  കെ.കെ. കൃഷ്ണൻ സ്മാരക ഹാൾ ഓർക്കാട്ടേരിയിൽ നാടിന് സമർപ്പിച്ചു  

> **Lead Summary:** ഓർക്കാട്ടേരി:**[ ** ഭരണകൂട ഭീകരതയ്ക്കെതിരെയുള്ള പോരാട്ടത്തിൽ ജീവൻ പൊലിഞ്ഞ കെ.കെ. കൃഷ്ണന്റെ സ്മരണാർത്ഥം ഓർക്കാട്ടേരിയിൽ നിർമിച്ച സ്മാരക ഹാൾ നാടിന് സമർപ്പിച്ചു.

## Article Content

ഓർക്കാട്ടേരി:**[ ** ഭരണകൂട ഭീകരതയ്ക്കെതിരെയുള്ള പോരാട്ടത്തിൽ ജീവൻ പൊലിഞ്ഞ കെ.കെ. കൃഷ്ണന്റെ സ്മരണാർത്ഥം ഓർക്കാട്ടേരിയിൽ നിർമിച്ച സ്മാരക ഹാൾ നാടിന് സമർപ്പിച്ചു.

സി.പി.ഐ.(എം) ഓർക്കാട്ടേരി ലോക്കൽ കമ്മിറ്റി ഓഫീസായ മണ്ടോടി കണ്ണൻ സ്മാരക മന്ദിരത്തിന്റെ മുകൾനിലയിലാണ് ഹാൾ ഒരുക്കിയിരിക്കുന്നത്. കാരായി രാജൻ എം.എൽ.എ ഹാളിന്റെ ഉദ്ഘാടനം നിർവഹിച്ചു.

ഹാൾ സമർപ്പണത്തിന് പിന്നാലെ പ്രദേശത്തെ പഴയകാല പോരാളികളുടെ സംഗമവും സംഘടിപ്പിച്ചു. ആർ.എം.പി അക്രമങ്ങൾക്ക് ഇരയായവരെ മുതിർന്ന നേതാവ് ആർ. ഗോപാലൻ ഷാൾ അണിയിച്ച് സ്വീകരിച്ചു.

രാഷ്ട്രീയ അക്രമങ്ങളിൽ വീട് അഗ്നിക്കിരയായവർ, മർദനമേറ്റവർ, കള്ളക്കേസുകളിൽ കുടുങ്ങി ജയിലിലായവർ,   തുടങ്ങി നൂറിലധികം പേരെ ചടങ്ങിൽ ആദരിച്ചു. നിരവധി സ്ത്രീകളും ഈ സംഗമത്തിൽ പങ്കെടുത്തു.

ഏരിയാ കമ്മിറ്റിയംഗം ബാലകൃഷ്ണൻ അധ്യക്ഷത വഹിച്ച ചടങ്ങിൽ ഏരിയാ സെക്രട്ടറി ടി.പി. ബിനീഷ് സംസാരിക്കുകയും കെ.കെ. കൃഷ്ണന്റെ ഫോട്ടോ അനാച്ഛാദനം ചെയ്യുകയും ചെയ്തു. മുതിർന്ന നേതാവ് ആർ. ഗോപാലൻ അനുസ്മരണ പ്രഭാഷണം നടത്തി.

കെ.കെ. കൃഷ്ണന്റെ ഭാര്യ യശോദയെ കാരായി രാജൻ എം.എൽ.എ ഷാൾ അണിയിച്ച് ആദരിച്ചു. ലോക്കൽ സെക്രട്ടറി ആർ.കെ. സുരേഷ് ചടങ്ങിൽ സ്വാഗതം പറഞ്ഞു.

### Related Links & Sources
- [Original Story Source](https://vatakara.truevisionnews.com/news/372932/kk-krishnan-memorial-hall-inaugurated-at-orkkatteri-by-karayi-rajan-mla)