---
title: "കെഎസ്‍യുവിന് പിന്നാലെ വിദ്യാഭ്യാസ ബന്ദിന് ആഹ്വാനം ചെയ്ത് എഐഎസ്എഫ്"
english_title: "Kerala Education Bandh on July 23: AISF and KSU Protest Against Delhi Student Crackdown"
publisher: "vatakaranews.in"
canonical_url: "https://vatakara.truevisionnews.com/news/374003/kerala-education-bandh-july-23-aisf-ksu-protest"
published_at: "2026-07-22T21:18:00+05:30"
category: "Kerala"
language: "ml"
image: "https://vatakara.truevisionnews.com/image-uploads/6a60e75da4efe_kerala-education-bandh-july-23-aisf-ksu-protest.jpg"
keywords: ["Latest News", "Kerala Bandh", "Education Bandh", "AISF", "KSU", "Delhi Student Protest", "NEET"]
---

# കെഎസ്‍യുവിന് പിന്നാലെ വിദ്യാഭ്യാസ ബന്ദിന് ആഹ്വാനം ചെയ്ത് എഐഎസ്എഫ്

> **Lead Summary:** തിരുവനന്തപുരം: ദില്ലിയിൽ നടന്ന വിദ്യാർഥി പ്രക്ഷോഭത്തിലെ കേന്ദ്ര സർക്കാരിന്റെ നിലപാടിലും പൊലീസ് നടപടിയിലും പ്രതിഷേധിച്ച് നാളെ, ജൂലൈ 23 വ്യാഴാഴ്ച സംസ്ഥാന വ്യാപക വിദ്യാഭ്യാസ ബന്ദിന് ആഹ്വാനം. സിപിഐയുടെ വിദ്യാർഥി സംഘടനയായ എഐഎസ്എഫാണ് ബന്ദിന് ആദ്യം ആഹ്വാനം ചെയ്തത്.

## Article Content

തിരുവനന്തപുരം: ദില്ലിയിൽ നടന്ന വിദ്യാർഥി പ്രക്ഷോഭത്തിലെ കേന്ദ്ര സർക്കാരിന്റെ നിലപാടിലും പൊലീസ് നടപടിയിലും പ്രതിഷേധിച്ച് നാളെ, ജൂലൈ 23 വ്യാഴാഴ്ച സംസ്ഥാന വ്യാപക വിദ്യാഭ്യാസ ബന്ദിന് ആഹ്വാനം. സിപിഐയുടെ വിദ്യാർഥി സംഘടനയായ എഐഎസ്എഫാണ് ബന്ദിന് ആദ്യം ആഹ്വാനം ചെയ്തത്.

ഇതിന് പിന്നാലെ കോൺഗ്രസിന്റെ വിദ്യാർഥി സംഘടനയായ കെഎസ്‍യുവും സമാനമായ പ്രതിഷേധത്തിന് ആഹ്വാനം ചെയ്തു. നീറ്റ് പരീക്ഷയുടെ ക്രമവിരുദ്ധമായ നടത്തിപ്പിൽ പ്രതിഷേധിച്ച് സമരം നടത്തിയ പ്രതിപക്ഷ നേതാവ് രാഹുൽ ഗാന്ധി ഉൾപ്പെടെയുള്ള എംപിമാരെ ദില്ലിയിൽ കയ്യേറ്റം ചെയ്ത സംഭവത്തിലാണ് കെഎസ്‍യു ബന്ദ് പ്രഖ്യാപിച്ചത്.

വിദ്യാർഥികളുടെ ജനാധിപത്യപരമായ സമരത്തെ അടിച്ചമർത്താനുള്ള കേന്ദ്ര സർക്കാരിന്റെ ശ്രമമാണ് ഇതിന് പിന്നിലെന്നും ഇതിനെതിരെ ശക്തമായ പ്രതിഷേധം ഉണ്ടാകണമെന്നും കെഎസ്‍യു സംസ്ഥാന പ്രസിഡന്റ് അലോഷ്യസ് സേവ്യർ പറഞ്ഞു.ബന്ദിന്റെ ഭാഗമായി സംസ്ഥാനത്തെ മുഴുവൻ ക്യാമ്പസുകളിലും ക്ലാസുകൾ ബഹിഷ്കരിക്കാനും പ്രതിഷേധ പ്രകടനങ്ങൾ നടത്താനും കെഎസ്‍യു ആവശ്യപ്പെട്ടു.

പ്രധാനമന്ത്രി നരേന്ദ്ര മോദിയുടെ കോലം കത്തിക്കലും സംഘടിപ്പിക്കും. ദില്ലിയിലെ വിദ്യാർഥികൾക്ക് പിന്തുണ പ്രഖ്യാപിച്ച് ജില്ലാ കേന്ദ്രങ്ങളിലും വലിയ പ്രതിഷേധ മാർച്ചുകൾ നടത്തുമെന്ന് സംഘടന അറിയിച്ചു. എഐഎസ്എഫും ജില്ലാ കേന്ദ്രങ്ങളിൽ പ്രതിഷേധ പരിപാടികൾ സംഘടിപ്പിക്കും.

വിദ്യാർഥികൾക്കെതിരായ കേന്ദ്ര സർക്കാരിന്റെ അടിച്ചമർത്തൽ നിലപാട് അവസാനിപ്പിക്കണമെന്നും വിദ്യാഭ്യാസ രംഗത്തെ പ്രശ്നങ്ങൾ പരിഹരിക്കണമെന്നുമാണ് സംഘടനകളുടെ പ്രധാന ആവശ്യം.നാളത്തെ ബന്ദ് കാരണം സംസ്ഥാനത്തെ കോളേജുകളിലും പ്രൊഫഷണൽ കോളേജുകളിലും ക്ലാസുകൾ നടക്കില്ല. വിദ്യാർഥികളും അധ്യാപകരും പ്രതിഷേധത്തിൽ പങ്കാളികളാകണമെന്ന് രണ്ട് സംഘടനകളും അഭ്യർഥിച്ചു.

### Related Links & Sources
- [Original Story Source](https://vatakara.truevisionnews.com/news/374003/kerala-education-bandh-july-23-aisf-ksu-protest)