---
title: "രമേശൻ പാലേരിയുടെ വീട്ടിലെത്തി അനുശോചനം അറിയിച്ച് മന്ത്രിമാരും നേതാക്കളും"
english_title: "Ministers and Leaders Pay Condolence Visit to Rameshan Paleri's Residence in Vadakara"
publisher: "vatakaranews.in"
canonical_url: "https://vatakara.truevisionnews.com/news/375837/rameshan-paleri-condolence-ministers-vadakara"
published_at: "2026-07-31T21:37:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6cc863aacb2_rameshan-paleri-death-ministers-condolence-vadakara1.jpg"
keywords: ["Rameshan Paleri", "Vadakara", "ULCCS", "Condolence"]
---

# രമേശൻ പാലേരിയുടെ വീട്ടിലെത്തി അനുശോചനം അറിയിച്ച് മന്ത്രിമാരും നേതാക്കളും

> **Lead Summary:** മടപ്പള്ളി: സഹകരണ പ്രസ്ഥാനത്തിന്റെ കരുത്തുറ്റ വക്താവും യുഎൽസിസിഎസ് ചെയർമാനുമായിരുന്ന രമേശൻ പാലേരിയുടെ നിര്യാണത്തിൽ അനുശോചനം അറിയിക്കാൻ രാഷ്ട്രീയ-സാംസ്കാരിക രംഗത്തെ പ്രമുഖർ വടകരയിലെ വസതിയിലെത്തി.

## Article Content

മടപ്പള്ളി: സഹകരണ പ്രസ്ഥാനത്തിന്റെ കരുത്തുറ്റ വക്താവും യുഎൽസിസിഎസ് ചെയർമാനുമായിരുന്ന രമേശൻ പാലേരിയുടെ നിര്യാണത്തിൽ അനുശോചനം അറിയിക്കാൻ രാഷ്ട്രീയ-സാംസ്കാരിക രംഗത്തെ പ്രമുഖർ വടകരയിലെ വസതിയിലെത്തി.

വൈദ്യുതി മന്ത്രി സണ്ണി ജോസഫ്, പൊതുമരാമത്ത് മന്ത്രി പി.കെ. ബഷീർ, മുൻ മന്ത്രിമാരായ എം.വി. ഗോവിന്ദൻ, ടി.പി. രാമകൃഷ്ണൻ എന്നിവർ രമേശൻ പാലേരിയുടെ വടകരയിലെ വീട് സന്ദർശിച്ച് കുടുംബാംഗങ്ങളെ നേരിൽ കണ്ട് അനുശോചനം അറിയിച്ചു.

സഹകരണ മേഖലയ്ക്കും പൊതുജീവിതത്തിനും രമേശൻ പാലേരി നൽകിയ സംഭാവനകൾ അനുസ്മരിച്ച നേതാക്കൾ, അദ്ദേഹത്തിന്റെ വിയോഗം സംസ്ഥാനത്തിന് വലിയ നഷ്ടമാണെന്ന് അഭിപ്രായപ്പെട്ടു.

രാഷ്ട്രീയ-സാംസ്കാരിക രംഗത്തെ നിരവധി പ്രമുഖരും സുഹൃത്തുക്കളും വീട്ടിലെത്തി കുടുംബത്തിന്റെ ദുഃഖത്തിൽ പങ്കുചേർന്നു. വിവിധ സംഘടനാ പ്രതിനിധികളും പൊതുപ്രവർത്തകരും അനുശോചനം അറിയിക്കാൻ എത്തിയിരുന്നു.

അദ്ദേഹത്തോടുള്ള ആദരസൂചകമായി വിവിധ സംഘടനകളുടെ ആഭിമുഖ്യത്തിൽ കോഴിക്കോട്ടും വടകരയിലുമായി അനുശോചന യോഗങ്ങൾ സംഘടിപ്പിച്ചു.

യുണൈറ്റഡ് വടകര വോളി ടാസ്ക് ഫോഴ്സ്, വോളി കൂട്ടായ്മകൾ, ഐപിഎം വോളി അക്കാദമി എന്നിവ സംയുക്തമായി യോഗം ചേർന്ന് അനുശോചനം രേഖപ്പെടുത്തി.

വടകരയിലെ വോളി കായിക രംഗത്തിന്റെ ഉന്നമനത്തിന് വേണ്ടി എന്നും നിലകൊണ്ട വ്യക്തിത്വമായിരുന്നു രമേശൻ പാലേരിയെന്ന് യോഗം വിലയിരുത്തി. ഈ മേഖലയ്ക്ക് വേണ്ടി അദ്ദേഹം ചെയ്ത പ്രയത്നങ്ങളെയും വിഭാവനം ചെയ്ത പദ്ധതികളെയും സ്നേഹാദരങ്ങളോടെ യോഗം അനുസ്മരിച്ചു.

### Related Links & Sources
- [Original Story Source](https://vatakara.truevisionnews.com/news/375837/rameshan-paleri-condolence-ministers-vadakara)