വടകര: വിപുലമായ പ്രവര്‍ത്തന പരിധിയുള്ള വടകര പൊലീസ് സ്റ്റേഷന്‍ വിഭജിച്ച് ആയഞ്ചേരി കേന്ദ്രമാക്കി പൊലീസ് സ്റ്റേഷന്‍ അനുവദിക്കണമെന്ന് കേരള പൊലീസ് ഓഫീസേര്‍സ് അസോസിയേഷന്‍ കോഴിക്കോട് ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു.
ആയഞ്ചേരിയില്‍ പൊലീസ് സ്റ്റേഷന്‍ അനുവദിക്കണമെന്ന ആവശ്യം നേരത്തെ തന്നെ ശക്തമായിരുന്നു. സ്വന്തം കെട്ടിടമില്ലാത്ത മേപ്പയ്യൂര്‍, പെരുവണ്ണാമൂഴി സ്റ്റേഷനുകള്‍ക്ക് കെട്ടിടം പണിയണമെന്നും അപകടാവസ്ഥയിലായ വളയം സ്റ്റേഷന്‍ പുനര്‍നിര്‍മ്മിക്കണമെന്നും സമ്മേളനം ആവശ്യപ്പെട്ടു.
സ്്ത്രീകള്‍ക്കും കുട്ടികള്‍ക്കുമെതിരെയുള്ള കുറ്റകൃത്യങ്ങള്‍ വര്‍ദ്ധിച്ച് വരുന്ന സാഹചര്യത്തില്‍ എല്ലാ പൊലീസ് സ്റ്റേഷനിലും ഒരു വനിതാ എസ് ഐയെ നിയമിക്കണമെന്ന് പൊലീസ് അസോസിയേഷന്‍ പ്രമേയത്തിലൂടെ ആവശ്യപ്പെട്ടു.
വടകര ലയണ്‍സ് ഹാളില്‍ ജില്ലാ പോലീസ് മേധാവി ഡോ. എ ശ്രീനിവാസ് ഐപിഎസ് ഉദ്ഘാടനം ചെയ്തു. അസോസിയേഷന്‍ ജില്ലാ പ്രസിഡന്റ് എന്‍ സുനില്‍ കുമാര്‍ അദ്ധ്യക്ഷത വഹിച്ചു. അഡി. എസ് പി എം. പ്രദീപ് കുമാര്‍, ഡിവൈഎസ് പി കെ.കെ. അബ്ദുള്‍ ഷരീഫ്, പ്രേംജി കെ നായര്‍, അഭിജിത്ത് ജി.പി. എന്നിവര്‍ ആശംസകള്‍ അര്‍പ്പിച്ചു.
സംസ്ഥാന സെക്രട്ടറി ബിജു സി ആര്‍ സംഘടന റിപ്പോര്‍ട്ടും ജില്ലാ സെക്രട്ടറി എം നാസര്‍ പ്രവര്‍ത്തന റിപ്പോര്‍ട്ടും ട്രഷറര്‍ വി യൂസഫ് വരവ് ചെലവ് കണക്കും ഗഫൂര്‍ സി ഓഡിറ്റ് റിപ്പോര്‍ട്ടും രാജീവന്‍ പി പ്രമേയങ്ങളും അവതരിപ്പിച്ചു. ലളിത പി പി അനുസ്മരണവും രതീഷ് എ പി സ്വാഗതവും ഷാജികുമാര്‍ നന്ദിയും പറഞ്ഞു.
കോവിഡ് കാരണം 2 വര്‍ഷമായി നടക്കാതിരുന്ന സമ്മേളനം കൃത്യമായ കോവിഡ് മാനദണ്ഡങ്ങള്‍ പാലിച്ചുകൊണ്ടാണ് സംഘടിപ്പിച്ചതെന്ന് അസോയേഷന്‍ ഭാരവാഹികള്‍ പറഞ്ഞു.
Police station at Ayancherry Police Association meeting to be allowed
