---
title: "അധ്യാപകനെ ഉടൻ പുറത്താക്കണം; കരുവഞ്ചേരി സ്കൂളിലേക്ക് മാർച്ച് നടത്തി ഡി.വൈ.എഫ്.ഐ"
english_title: "DYFI Protest March Against School Teacher Vatakara Assault Case"
publisher: "vatakaranews.in"
canonical_url: "https://vatakara.truevisionnews.com/news/380816/dyfi-protest-march-against-teacher-vatakara-assault-case"
published_at: "2026-09-02T12:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a97ca2250600_dyfi-protest-march-against-teacher-vatakara-assault-case.jpg"
keywords: ["DYFI Protest", "School Teacher Assault Case", "Assault Case"]
---

# അധ്യാപകനെ ഉടൻ പുറത്താക്കണം; കരുവഞ്ചേരി സ്കൂളിലേക്ക് മാർച്ച് നടത്തി ഡി.വൈ.എഫ്.ഐ

> **Lead Summary:** **വടകര: **തിരുവോണനാളിൽ ഡി.വൈ.എഫ്.ഐ പതിയാരക്കര മേഖല ജോയിന്റ് സെക്രട്ടറി വിനുവിന് നേരെ നടന്ന ആക്രമണത്തിൽ പ്രതിയായ അധ്യാപകനെ സർവീസിൽ നിന്ന് പുറത്താക്കണമെന്നാവശ്യപ്പെട്ട് ഡി.വൈ.എഫ്.ഐ മണിയൂർ പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ മാർച്ച് സംഘടിപ്പിച്ചു.

## Article Content

**വടകര: **തിരുവോണനാളിൽ ഡി.വൈ.എഫ്.ഐ പതിയാരക്കര മേഖല ജോയിന്റ് സെക്രട്ടറി വിനുവിന് നേരെ നടന്ന ആക്രമണത്തിൽ പ്രതിയായ അധ്യാപകനെ സർവീസിൽ നിന്ന് പുറത്താക്കണമെന്നാവശ്യപ്പെട്ട് ഡി.വൈ.എഫ്.ഐ മണിയൂർ പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ മാർച്ച് സംഘടിപ്പിച്ചു.

കരുവഞ്ചേരി നോർത്ത് എൽ.പി സ്കൂളിലേക്കാണ് പ്രവർത്തകർ മാർച്ച് നടത്തിയത്. ലഹരി മാഫിയ സംഘത്തിൽ ഉൾപ്പെട്ട സ്കൂൾ അധ്യാപകൻ ജവാദ് കേസിൽ പ്രതിയാണെന്നും ഇയാളെ ഉടനടി സ്കൂളിൽ നിന്ന് പുറത്താക്കണമെന്നുമാണ് സംഘടനയുടെ ആവശ്യം.

പതിയാരക്കര മഞ്ചയിലെ കടയിൽ വെച്ച് ജവാദിന്റെ നേതൃത്വത്തിലുള്ള 50-ഓളം വരുന്ന സംഘം ചേർന്നാണ് വിനുവിനെ ക്രൂരമായി മർദ്ദിച്ചതെന്ന് ഡി.വൈ.എഫ്.ഐ ആരോപിക്കുന്നു. ആക്രമണത്തിൽ വിനുവിന്റെ മുഖത്ത് മൂന്ന് ഭാഗങ്ങളിൽ പൊട്ടലുണ്ടാവുകയും തുടർന്ന് അടിയന്തര ശസ്ത്രക്രിയയ്ക്ക് വിധേയനാക്കുകയും ചെയ്തിരുന്നു. കേസിൽ രണ്ടാം പ്രതിയായ അധ്യാപകൻ ജവാദിനെ എത്രയും വേഗം അറസ്റ്റ് ചെയ്യണമെന്ന് ഡി.വൈ.എഫ്.ഐ ആവശ്യപ്പെട്ടു.

പ്രതിഷേധ മാർച്ച് ഡി.വൈ.എഫ്.ഐ ജില്ലാ സെക്രട്ടറി കെ. കെ. അരുൺ ഉദ്ഘാടനം ചെയ്തു. ബ്ലോക്ക് സെക്രട്ടറി എൻ. ഷിജിൻ ചടങ്ങിൽ അധ്യക്ഷത വഹിച്ചു. ടി. ടി. ജനീഷ്, വി. എം. അശ്വന്ത്, ഷിജിൽ പാലയാട് തുടങ്ങിയ നേതാക്കൾ പ്രതിഷേധ യോഗത്തിൽ സംസാരിച്ചു.

**English Summary:**

DYFI organized a protest march to Karuvanchery North LP School in Vatakara demanding the dismissal of a teacher, Javad, who is accused of assaulting DYFI Pathiyarakkara Joint Secretary Vinu on Thiruonam day. According to DYFI, a 50-member gang led by Javad brutally assaulted Vinu, resulting in facial fractures that required surgery. DYFI District Secretary K. K. Arun inaugurated the protest march demanding the immediate arrest of the accused teacher.

### Related Links & Sources
- [Original Story Source](https://vatakara.truevisionnews.com/news/380816/dyfi-protest-march-against-teacher-vatakara-assault-case)