---
title: "മണ്ണിടിച്ചിൽ ആവർത്തിക്കുന്നു, അധികൃതരുടെ റിപ്പോർട്ടിനെതിരെ കെ.കെ. രമ; അടിയന്തര പരിശോധന ആവശ്യപ്പെട്ടു"
english_title: "Mukkali National Highway Landslide KK Rama MLA Intervention Chief Minister VD Satheesan PWD Minister PK Basheer NHAI Project Director"
publisher: "vatakaranews.in"
canonical_url: "https://vatakara.truevisionnews.com/news/383724/mukkali-national-highway-landslide-kk-rama-mla-intervention-chief-minister-pwd-minister-nitin-gadkari"
published_at: "2026-09-21T22:31:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ab1633e370d8_mukkali-national-highway-landslide-kk-rama-mla-intervention-chief-minister-pwd-minister-nitin-gadkari.jpg"
keywords: ["Landslide", "Mukkali National Highway Landslide", "KK Rama MLA", "NH 66 Azhiyur Vengalam Reach Project"]
---

# മണ്ണിടിച്ചിൽ ആവർത്തിക്കുന്നു, അധികൃതരുടെ റിപ്പോർട്ടിനെതിരെ കെ.കെ. രമ; അടിയന്തര പരിശോധന ആവശ്യപ്പെട്ടു

> **Lead Summary:** വടകര: ദേശീയപാത 66-ൽ മുക്കാളിയിൽ വീണ്ടും മണ്ണിടിഞ്ഞതിൽ അടിയന്തര നടപടി ആവശ്യപ്പെട്ട് കെ.കെ. രമ എം.എൽ.എ. മുഖ്യമന്ത്രിയോടും പൊതുമരാമത്ത് വകുപ്പ് മന്ത്രിയോടും വിഷയം ഗൗരവമായി പരിഗണിക്കണമെന്ന് എം.എൽ.എ ആവശ്യപ്പെട്ടു. മുക്കാളിയിൽ മണ്ണിടിച്ചിൽ ആവർത്തിക്കുന്ന സാഹചര്യത്തിൽ മേഖലയിൽ പ്രത്യേക പരിശോധന നടത്തി അടിയന്തര നടപടികൾ സ്വീകരിക്കണമെന്നാണ് ആവശ്യം.

## Article Content

വടകര: ദേശീയപാത 66-ൽ മുക്കാളിയിൽ വീണ്ടും മണ്ണിടിഞ്ഞതിൽ അടിയന്തര നടപടി ആവശ്യപ്പെട്ട് കെ.കെ. രമ എം.എൽ.എ. മുഖ്യമന്ത്രിയോടും പൊതുമരാമത്ത് വകുപ്പ് മന്ത്രിയോടും വിഷയം ഗൗരവമായി പരിഗണിക്കണമെന്ന് എം.എൽ.എ ആവശ്യപ്പെട്ടു. മുക്കാളിയിൽ മണ്ണിടിച്ചിൽ ആവർത്തിക്കുന്ന സാഹചര്യത്തിൽ മേഖലയിൽ പ്രത്യേക പരിശോധന നടത്തി അടിയന്തര നടപടികൾ സ്വീകരിക്കണമെന്നാണ് ആവശ്യം.

മണ്ണിടിച്ചിൽ സംബന്ധിച്ച് മുഖ്യമന്ത്രി വി.ഡി. സതീശനും പൊതുമരാമത്ത് വകുപ്പ് മന്ത്രി പി.കെ. ബഷീറും ദേശീയപാത-66 അഴിയൂർ-വെങ്ങളം റീച്ച് പ്രോജക്ട് ഡയറക്ടറോട് വിശദീകരണം തേടിയിരുന്നു. സാധാരണയായി സംഭവിക്കാറുള്ള ‘സ്ലോപ്പ് ഫെയിലിയർ’ ആണെന്നും ഗതാഗതത്തിന് തടസ്സമുണ്ടായിട്ടില്ലെന്നും ക്യാരേജ് വേയിൽനിന്ന് ഏറെ അകലെയാണ് മണ്ണിടിഞ്ഞതെന്നുമാണ് പ്രോജക്ട് ഡയറക്ടർ റിപ്പോർട്ട് നൽകിയതെന്ന് കെ.കെ. രമ പറഞ്ഞു.

എന്നാൽ, മുക്കാളിയിലെ സ്ഥലം സന്ദർശിക്കാതെയാണ് റിപ്പോർട്ട് തയ്യാറാക്കിയതെന്നും അപകടത്തിന്റെ ഗൗരവം റിപ്പോർട്ടിൽ പ്രതിഫലിച്ചിട്ടില്ലെന്നും എം.എൽ.എ ആരോപിച്ചു. ഇക്കാര്യം മുഖ്യമന്ത്രിയുടെയും മന്ത്രിയുടെയും ശ്രദ്ധയിൽപ്പെടുത്തിയതായും അവർ വിശദമായ പരിശോധന നടത്താമെന്ന് ഉറപ്പുനൽകിയതായും കെ.കെ. രമ അറിയിച്ചു.

മണ്ണിടിച്ചിൽ ആവർത്തിക്കുന്ന സാഹചര്യത്തിൽ മുക്കാളിയെ പ്രത്യേക കേസായി പരിഗണിച്ച് അടിയന്തര ഇടപെടൽ നടത്തണമെന്ന് ആവശ്യപ്പെട്ട് കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിക്കും ഇ-മെയിൽ അയച്ചതായി എം.എൽ.എ വ്യക്തമാക്കി.

**English Summary:**

At Mukkali national highway landslide incident KK Rama MLA intervened for urgent actions. In Vadakara national highway Mukkali fourth time landslide occurred and narrow escape from big disaster. MLA asked Chief Minister VD Satheesan and PWD Minister PK Basheer to take matter very seriously and take action. When Chief Minister and PWD Minister asked explanation from National Highway 66 Azhiyur-Vengalam Reach Project Director, irresponsible reply given that it is common slope failure, traffic not blocked, landslide fell far away from carriage way. MLA said she informed Chief Minister and PWD Minister that Project Director reported blatant lie trivializing incident without visiting Mukkali landslide site and understanding extent of danger. Chief Minister and PWD Minister assured detailed examination will be conducted. Considering continuous landslides and accidents at Mukkali, MLA also said she sent urgent email message to Union Surface Transport Minister Nitin Gadkari requesting personal direct intervention in Mukkali region and to consider as special case and take urgent steps.

### Related Links & Sources
- [Original Story Source](https://vatakara.truevisionnews.com/news/383724/mukkali-national-highway-landslide-kk-rama-mla-intervention-chief-minister-pwd-minister-nitin-gadkari)