---
title: "അഴിയൂർ–വടകര ദേശീയപാതയിലെ ഗതാഗതക്കുരുക്കിന് പരിഹാരമാകുന്നു; നിർമാണം വേഗത്തിലാക്കുമെന്ന് മന്ത്രി പി.കെ. ബഷീർ"
english_title: "Steps to Ease Traffic Snarl on Azhiyur–Vadakara Highway; Construction to Be Speeded Up"
publisher: "vatakaranews.in"
canonical_url: "https://vatakara.truevisionnews.com/news/391088/azhiyur-vadakara-highway-traffic-snarls"
published_at: "2026-11-11T07:01:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6af3c5878793f_azhiyur-vadakara-highway-traffic-snarls.jpg"
keywords: ["NationalHighway", "TrafficCongestion", "KeralaInfrastructure", "PublicWorks", "RoadConstruction"]
---

# അഴിയൂർ–വടകര ദേശീയപാതയിലെ ഗതാഗതക്കുരുക്കിന് പരിഹാരമാകുന്നു; നിർമാണം വേഗത്തിലാക്കുമെന്ന് മന്ത്രി പി.കെ. ബഷീർ

> **Lead Summary:** ചോമ്പാല: അഴിയൂർ–വടകര മേഖലയിലെ ദേശീയപാത നിർമാണം വൈകുന്നതുമൂലം ജനങ്ങൾ അനുഭവിക്കുന്ന രൂക്ഷമായ ഗതാഗതക്കുരുക്കിനും യാത്രാദുരിതത്തിനും പരിഹാരം കാണാനുള്ള നടപടികൾ സർക്കാർ ആരംഭിച്ചതായി പൊതുമരാമത്ത് വകുപ്പ് മന്ത്രി പി.കെ. ബഷീർ അറിയിച്ചു. ദേശീയപാത നിർമാണ പ്രവർത്തനങ്ങൾ വേഗത്തിലാക്കി ജനങ്ങളുടെ യാത്രാക്ലേശം പരിഹരിക്കാനാണ് സർക്കാർ ലക്ഷ്യമിടുന്നതെന്നും മന്ത്രി വ്യക്തമാക്കി.

## Article Content

ചോമ്പാല: അഴിയൂർ–വടകര മേഖലയിലെ ദേശീയപാത നിർമാണം വൈകുന്നതുമൂലം ജനങ്ങൾ അനുഭവിക്കുന്ന രൂക്ഷമായ ഗതാഗതക്കുരുക്കിനും യാത്രാദുരിതത്തിനും പരിഹാരം കാണാനുള്ള നടപടികൾ സർക്കാർ ആരംഭിച്ചതായി പൊതുമരാമത്ത് വകുപ്പ് മന്ത്രി പി.കെ. ബഷീർ അറിയിച്ചു. ദേശീയപാത നിർമാണ പ്രവർത്തനങ്ങൾ വേഗത്തിലാക്കി ജനങ്ങളുടെ യാത്രാക്ലേശം പരിഹരിക്കാനാണ് സർക്കാർ ലക്ഷ്യമിടുന്നതെന്നും മന്ത്രി വ്യക്തമാക്കി.

അഴിയൂർ–വടകര മേഖലയിലെ ദേശീയപാത നിർമാണവുമായി ബന്ധപ്പെട്ട പ്രശ്നങ്ങൾ മുൻ കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ മന്ത്രിയുടെ ശ്രദ്ധയിൽപ്പെടുത്തിയിരുന്നു. കോഴിക്കോട് ഗസ്റ്റ് ഹൗസിൽ നടന്ന കൂടിക്കാഴ്ചയിലാണ് നിർമാണം വൈകുന്നതുമൂലം പ്രദേശവാസികളും യാത്രക്കാരും നേരിടുന്ന ദുരിതങ്ങൾ അദ്ദേഹം വിശദീകരിച്ചത്.

ദേശീയപാതയിലെ അശാസ്ത്രീയമായ നിർമാണവും പ്രവൃത്തികൾ നീണ്ടുപോകുന്നതുമാണ് ഗതാഗതക്കുരുക്കിനും ജനങ്ങളുടെ ദുരിതത്തിനും പ്രധാന കാരണമെന്ന് കൂടിക്കാഴ്ചയിൽ ചൂണ്ടിക്കാട്ടി.

നിർമാണത്തിന് ചുമതലയുണ്ടായിരുന്ന വഗാഡ് കമ്പനിയെ മാറ്റി ഗൾഫാർ കമ്പനിക്ക് നിർമാണച്ചുമതല നൽകിയതായി മന്ത്രി അറിയിച്ചു. പ്രവൃത്തികൾ അടിയന്തരമായി പൂർത്തിയാക്കുന്നതിന് ആവശ്യമായ നിർദേശങ്ങൾ ഇതിനകം നൽകിയിട്ടുണ്ടെന്നും അദ്ദേഹം വ്യക്തമാക്കി.

ദേശീയപാത നിർമാണത്തിന്റെ പുരോഗതി നേരിട്ട് നിരീക്ഷിക്കുമെന്നും പ്രവൃത്തികൾ സമയബന്ധിതമായി പൂർത്തിയാക്കാൻ നടപടി സ്വീകരിക്കുമെന്നും മന്ത്രി ഉറപ്പുനൽകി.

ദീർഘകാലമായി നിർമാണം വൈകുന്നതിനെ തുടർന്ന് അഴിയൂർ–വടകര ദേശീയപാതയിൽ രൂക്ഷമായ ഗതാഗതക്കുരുക്കാണ് അനുഭവപ്പെടുന്നത്. ദിവസേന ഇതുവഴി യാത്ര ചെയ്യുന്ന വാഹനയാത്രക്കാരും പ്രദേശവാസികളും വലിയ ബുദ്ധിമുട്ടാണ് നേരിടുന്നത്.

The government has begun steps to address the severe traffic congestion and travel hardship caused by delays in the Azhiyur–Vadakara national highway project, Public Works Minister P.K. Basheer said. He added that the work has been reassigned from Wagad to Gulfar and that instructions have already been issued to complete the project urgently.

### Related Links & Sources
- [Original Story Source](https://vatakara.truevisionnews.com/news/391088/azhiyur-vadakara-highway-traffic-snarls)