വടകര: 2022- 23 സാമ്പത്തിക വർഷം ഒരുലക്ഷം സംരംഭങ്ങൾ ആരംഭിക്കുക എന്ന ലക്ഷ്യത്തോടെ വിവിധ വകുപ്പുകൾ / ഏജൻസികളുടെയും ഏകോപന ത്തോടെയും വ്യവസായ-വാണിജ്യ വകുപ്പിന്റെയും വടകര നഗരസഭയുടെയും സംയുക്ത ആഭിമുഖ്യത്തിൽ ഏകദിന സംരംഭകത്വ ശില്പശാല മുൻസിപ്പാലിറ്റി സാംസ്കാരിക നിലയത്തിൽ വച്ച് വൈസ് പ്രസിഡണ്ട് കെ കെ വനജയുടെ അധ്യക്ഷതയിൽ ചെയർപേഴ്സൺ കെ പി ബിന്ദു ഉദ്ഘാടനം ചെയ്തു.
ചടങ്ങിൽ പി വിജയി സ്വാഗതമാശംസിച്ചു. ആശംസകൾ അർപ്പിച്ചുകൊണ്ട് സിന്ധു പ്രേമൻ, അഭിജിത്ത് എം ഗ്രാമീൺ ബാങ്ക് മാനേജർ, കെ മനോജൻ നടക്കുതാഴ സർവീസ് സഹകരണ ബാങ്ക് സെക്രട്ടറി എന്നിവർ സംസാരിച്ചു. വ്യവസായ വികസന ഓഫീസർ വിദ്യ പദ്ധതി വിശദീകരണം നടത്തി.
ചടങ്ങിന് നന്ദി അർപ്പിച്ചുകൊണ്ട് വ്യവസായവകുപ്പ് ഇന്റെണായ അനുശ്രീ എൽ. സി സംസാരിച്ചു. സംരംഭകത്വ ശില്പശാലയിൽ സംരംഭകത്വ മേഖലകളും പദ്ധതികളും സാധ്യതകളും എന്ന വിഷയത്തെ ആസ്പദമാക്കി തോടന്നൂർ വ്യവസായ വികസന ഓഫീസർ ഷിനോജ് കെ എന്നവരും തോടന്നൂർ ബ്ലോക്കിലെ ഫിനാൻഷ്യൽ ലിറ്ററസി ട്രയിനറായ രാധാകൃഷ്ണനും ക്ലാസ്സുകൾ നയിച്ചു.
കൗൺസിലർമാരും വിവിധ സംരംഭങ്ങൾ തുടങ്ങാനുള്ള ആഗ്രഹവുമായി നഗരസഭയുടെ വിവിധ ഭാഗങ്ങളിൽ നിന്ന് എത്തിച്ചേർന്ന നിരവധി ആളുകളും ശിൽപ്പശാലയിൽ പങ്കാളികളായി
One day Entrepreneurship Workshop was organized at Vadakara