വടകര: മൂത്രപ്പുര നിർമ്മിച്ചു കിട്ടാൻ വേണ്ടി നടത്തിയ വ്യക്തിഗത ഉപവാസ സമരത്തിന് വൻ ജനപിന്തുണ രണ്ട് ദശാബ്ദക്കാലമായി ഒരു മൂത്രപ്പുരക്ക് വേണ്ടി നിവേദനങ്ങൾ നൽകി മടുത്ത പൊതു പ്രവർത്തകനായ ഡോ. ചെറുവാച്ചേരി രാധാകൃഷ്ണൻ പരിസ്ഥിതി ദിനത്തിൽ നടത്തിയ ഏകദിന ഉപവാസ സമരമാണു ജനപങ്കാളിത്തം കൊണ്ട് ശ്രദ്ധേയമായത്. രാവിലെ 9 മണിക്ക് ആരംഭിച്ച സമരം വൈകുന്നേരം 6 മണിക്ക് അവസാനിച്ചു .
ഉദ്ഘാടന ചടങ്ങോ സമാപന ചടങ്ങോ ഉണ്ടായിരുന്നില്ലങ്കിലും ഒരു വൻ ജനാവലി സമരപ്പന്തൽ സന്ദർശിച്ച് അഭിവാദ്യങ്ങൾ അർപ്പിച്ചു. യൂ.ഡി.എഫ് ഭരിക്കുന്ന ആയഞ്ചേരി പഞ്ചായത്തിൽ ജനങ്ങളുടെ ഏറേ കാലത്തെ ഒരു പരാതിയാണ് മൂത്രപുരയില്ലായെന്നുള്ളത്. ആയഞ്ചേരിയിൽ പല ആവിശ്യങ്ങൾക്ക് വേണ്ടി വരുന്ന ജനങ്ങൾക്ക് , പ്രത്യാകിച്ച് യാത്രക്കാരായ സ്ത്രീകൾക്ക് ഏറേ ബുദ്ധിമുട്ട് അനുഭവിക്കുന്ന അവസ്ഥയാണ് ഇപ്പോൾ ഉള്ളത്.
അനുദിനം വളർന്ന് കൊണ്ടിരിക്കുന്ന ആയഞ്ചേരിയിൽ ഒട്ടേറേ കടകളിൽ സ്ത്രീ തൊഴിലാളികൾ ജോലി ചെയ്യുന്നുണ്ട് . അവർക്ക് പലപ്പോഴും മൂത്രപുരയില്ലാത്തത് തെല്ലോന്നുമല്ല അലട്ടിയിരുന്നത്. ഇത്തരത്തിലുളള ജനങ്ങളുടെ ബുദ്ധിമുട്ടുകൾ മനസ്സിലാക്കിയാണ് രാധാകൃഷ്ണൻ മാസ്റ്റർ ഉപവാസം നടത്തുന്നത്. ഉപവാസ സമരത്തിനോടപ്പം പഞ്ചായത്ത് അധികാരികൾക്ക് നൽകാൻ ഒപ്പു ശേഖരണവും നടത്തുന്നുണ്ട്.
for public urine in Ayancherry town; Cheruvacheri Radhakrishnan Master's one-man fight
