---
title: "ഓർക്കാട്ടേരി ഗവ. ഹൈസ്കൂളിന്  കൈറ്റ് പുരസ്കാരം"
english_title: "Orkatteri Govt. Kite Award for High School"
publisher: "vatakaranews.in"
canonical_url: "https://vatakara.truevisionnews.com/news/52505/orkatteri-govt-kite-award-for-high-school"
published_at: "2022-07-02T16:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/62c021f756c04_kite_award.jpg"
keywords: []
---

# ഓർക്കാട്ടേരി ഗവ. ഹൈസ്കൂളിന്  കൈറ്റ് പുരസ്കാരം

> **Lead Summary:** **ഏറാമല: **സംസ്ഥാനത്തെ സ്കൂൾ വിക്കിയിൽ ഏറ്റവും മികച്ച വിവരങ്ങൾ രേഖപ്പെടുത്തുന്ന സ്കൂളിന് കൈറ്റ് ഏർപ്പെടുത്തിയ രണ്ടാമത് കെ ശബരീഷ് സ്മാരക പുരസ്കാരം കെ കെ എം ജി വി എച്ച് എസ് എസ് ഓർക്കാട്ടേരിക്ക്. ജില്ലാ തലത്തിൽ മത്സരിച്ച 1739 സ്‌കൂളുകളിൽ നിന്ന് ക്ലസ്റ്റർ തലത്തിൽ 346 സ്‌കൂളുകളും, ഇവയിൽ നിന്നും സംസ്ഥാന തലത്തിലേക്ക് 86 സ്‌കൂളുകളും തിരഞ്ഞെടുത്തതിൽ നിന്നാണ് അവാർഡുകൾ നൽകിയത്.

## Article Content

**ഏറാമല: **സംസ്ഥാനത്തെ സ്കൂൾ വിക്കിയിൽ ഏറ്റവും മികച്ച വിവരങ്ങൾ രേഖപ്പെടുത്തുന്ന സ്കൂളിന് കൈറ്റ് ഏർപ്പെടുത്തിയ രണ്ടാമത് കെ ശബരീഷ് സ്മാരക പുരസ്കാരം കെ കെ എം ജി വി എച്ച് എസ് എസ് ഓർക്കാട്ടേരിക്ക്. ജില്ലാ തലത്തിൽ മത്സരിച്ച 1739 സ്‌കൂളുകളിൽ നിന്ന് ക്ലസ്റ്റർ തലത്തിൽ 346 സ്‌കൂളുകളും, ഇവയിൽ നിന്നും സംസ്ഥാന തലത്തിലേക്ക് 86 സ്‌കൂളുകളും തിരഞ്ഞെടുത്തതിൽ നിന്നാണ് അവാർഡുകൾ നൽകിയത്.

ജില്ലയിൽ ഈ പുരസ്കാരം ലഭിക്കുന്ന ഏക സർക്കാർ വിദ്യാലയമാണിത് . ഫാത്തിമബി എച്ച് എസ് കൂമ്പാറ, നൊച്ചാട് എച്ച്.എസ്.എസ്എന്നിവയാണ് ജില്ലയിൽ പുരസ്കാരം നേടിയ മറ്റു വിദ്യാലയങ്ങൾ. ഇവ രണ്ടും എയിഡഡ് സ്കൂളുകളാണ്. നിയമസഭയ്ക്കകത്തുള്ള ആർ. ശങ്കരനാരായണന്‍ തമ്പി ഹാളില്‍ വച്ച് നടന്ന ചടങ്ങിൽ സംസ്ഥാന തലത്തില്‍ സ്കൂൾ വിദ്യാർത്ഥികളും അധ്യാപകരും ചേർന്ന് 10,000 രൂപയും, ശില്പവും പ്രശംസാപത്രവും അടങ്ങിയ പുരസ്കാരം ഏറ്റുവാങ്ങി.

നിയമസഭാ സ്പീക്കർ എം. ബി രാജേഷ് ഉദ്ഘാടനം ചെയ്തു പൊതുവിദ്യാഭ്യാസ വകുപ്പ് മന്ത്രി വി. ശിവന്‍കുട്ടി അ ധ്യക്ഷനായി. ഗതാഗത മന്ത്രി ആന്റണി രാജു ഇവിടെയുള്ളവർ പങ്കെടുത്തു. പുരസ്കാരം സ്വീകരിച്ച സ്കൂളിൽ തിരിച്ചെത്തിയ അധ്യാപകരെയും വിദ്യാർത്ഥികളെയും സ്റ്റാഫ് കൗൺസിലിന്റെ നേതൃത്വത്തിൽ അഭിനന്ദിച്ചു.

### Related Links & Sources
- [Original Story Source](https://vatakara.truevisionnews.com/news/52505/orkatteri-govt-kite-award-for-high-school)