വടകര: നഗരത്തിൽ ലഹരി പുകയുന്നു. വടകര ലിങ്ക് റോഡിലെ പെട്ടിക്കട എടുത്തുമാറ്റി . ലിങ്ക് റോഡിൽ ലഹരി വസ്തുക്കൾ വിൽപ്പന നടത്തുന്നതായി പരാതിയുയർന്ന പെട്ടിക്കട നഗരസഭ ആരോഗ്യവിഭാഗം എടുത്തുമാറ്റി. ഈ പെട്ടിക്കടയുമായി ബന്ധപ്പെട്ട് സാമൂഹികമാധ്യമങ്ങളിൽ വീഡിയോ പ്രചരിച്ചിരുന്നു.
തുടർന്ന് ആരോഗ്യവിഭാഗം സ്ഥലത്ത് പരിശോധന നടത്തിയിരുന്നു. വിദ്യാർഥികൾ ഉൾപ്പെടെയുള്ളവർ യാത്രചെയ്യുന്ന നടപ്പാത കൈയേറിയാണ് കച്ചവടമെന്ന് ആരോഗ്യവിഭാഗം വ്യക്തമാക്കി. ഈ സാഹചര്യത്തിലാണ് നടപടി.
എടോടി ഭഗവതി കോട്ടക്കൽ ക്ഷേത്രത്തിന്റെ എതിർവശം നഗരസഭയുടെ അധീനതയിലുള്ള സ്ഥലത്ത് നഗരസഭയുടെ അനുമതിയില്ലാതെ തെറ്റിദ്ധരിപ്പിക്കുന്ന രീതിയിൽ പെയിന്റ് ചെയ്ത് സ്ഥാപിച്ച പെട്ടിക്കടയും ആരോഗ്യവിഭാഗം പിടിച്ചെടുത്തു. ജൂനിയർ ഹെൽത്ത് ഇൻസ്പെക്ടർ രാജേഷ് കുമാർ നേതൃത്വം നൽകി.
Drunkenness is fuming; The box store on Vadakara Link Road was removed
.jpeg)
