അഴിയൂർ: പതിറ്റാണ്ടുകളായി പ്രദേശവാസികൾ നേരിട്ട ദുരിതത്തിന് അറുതി വരുത്തി സുമനുസ്സുകളുടെ കൂട്ടായ്മയിൽ നിർമ്മിച്ച ജനകീയറോഡ് നാടിന് സമർപ്പിച്ചു. അഴിയൂർ ഗ്രാമപഞ്ചായത്ത് 16ാം വാർഡ് നടുച്ചാൽ അംഗനവാടി-എരിക്കിൽ ബീച്ച് റോഡാണ് വാർഡ് മെമ്പർ സാലിം പുനത്തിലിന്റെ നേതൃത്വത്തിൽ ജനകീയ കൂട്ടായ്മയിൽ നിർമ്മിച്ചത്.
റോഡിന്റെ ഉദ്ഘാടനം ജില്ലാ പഞ്ചായത്ത് അഴിയൂർ ഡിവിഷൻ അംഗം നിഷ പുത്തൻപുരയിൽ ഉദ്ഘാടനം ചെയ്തു. വാർഡ് മെമ്പർ സാലിം പുനത്തിൽ അദ്ധ്യക്ഷത വഹിച്ചു. എസ്ഡിപിഐ സംസ്ഥാന സിക്രട്ടറി റോയ് അറയ്ക്കൽ, ജില്ലാ സെക്രട്ടറി റഷീദ് ഉമരി, മണ്ഡലം സിക്രട്ടറി ബഷീർ കെ കെ, വാർഡ് വികസന സമിതി അംഗം രമേശൻ സി.പി എന്നിവർ ആശംസയർപ്പിച്ചു.
മൻസൂർ അഹ്സനി സന്ദേശം നൽകി. വൃദ്ധരും വിദ്യാർത്ഥികളുമടക്കം ഒട്ടേറെ പ്രദേശവാസികൾക്ക് കാൽനടയാത്ര ചെയ്യുന്നതിനടക്കം പ്രയാസം നേരിട്ട റോഡാണ് 300 മീറ്റർ നീളത്തിൽ എട്ടര ലക്ഷം രൂപ ചിലവിട്ട് ജനകീയ കൂട്ടായ്മയിൽ കോൺക്രീറ്റ് ചെയ്ത് .
കോവിഡും മറ്റും കാരണം ഉണ്ടായ ഫണ്ട് ലഭ്യതക്കുറവിന്റെ പ്രയാസത്തിലും ജനകീയ കൂട്ടായ്മയിൽ റോഡ് ലഭിച്ചതിന്റെ സന്തോഷത്തിലാണ് പ്രദേശവാസികൾ. റോഡ് പ്രവൃത്തിക്ക് നേതൃത്വം നൽകിയ വാർഡ് മെമ്പർ സാലിം പുനത്തിലിനെ പ്രദേശവാസികൾക്ക് വേണ്ടി നാരായണൻ എരിക്കിൽ ചാലിൽ പൊന്നാടയണയിച്ചു.
ഉദ്ഘാടനത്തോടനുബന്ധിച്ച് എരിക്കിൽ ഫ്രണ്ട്സിന്റെ സ്നേഹവിരുന്നും ഉണ്ടായിരുന്നു. സൈനുദ്ധീൻ എ കെ സ്വാഗതവും നൗഫൽ തമന്ന നന്ദിയും പറഞ്ഞു.
The well-wishers dedicated the road built by the people to the nation