വടകര: ഭരതനാട്യത്തിൽ പുതുപ്പിറവി. ജില്ലാ റവന്യൂ കലോത്സവത്തിൽ യുപി വിഭാഗം ഭരതനാട്യത്തിൽ എ ഗ്രേഡോടെ ഒന്നാം സ്ഥാനം നേടിയിരിക്കുകയാണ് തിരുവങ്ങൂർ എച്ച് എസ് എസ്. സ്കൂളിലെ അഞ്ചാം ക്ലാസ് വിദ്യാർത്ഥിനി ആഗ്നേയ ഷിബേഷാണ് ഈ നേട്ടത്തിന് അർഹയായത്.
കുച്ചിപ്പുടിയിലും നാടോടി നൃത്തത്തിലും എ ഗ്രേഡോടെ രണ്ടാം സ്ഥാനം ലഭിച്ചിരുന്നു ഈ കൊച്ചു മിടുക്കിക്ക്. കൊയിലാണ്ടിയിലെ നാട്യധാര അക്കാദമിയിലെ കലാമണ്ഡലം സ്വപ്ന ടീച്ചറാണ് ഗുരു. നാടോടി നൃത്തം പരിശീലിപ്പിക്കുന്നത് ബാലുശ്ശേരി സുധീഷ് മാസ്റ്ററാണ്.
ഷിബേഷ്-സുജിന ദമ്പതികളുടെ മകളാണ്. സഹോദരൻ അദ്വൈത് ഇതേ സ്കൂളിലെ ഒമ്പതാം ക്ലാസ് വിദ്യാർത്ഥിയാണ്. നേരത്തെ കൊയിലാണ്ടി സബ്ജില്ല കലോത്സവത്തിൽ മികച്ച വിജയം നേടിയാണ് കോഴിക്കോട് റവന്യൂ ജില്ലാ കലോത്സവത്തിന് അർഹയായത്.
A rebirth in Bharatanatyam; Trivandrum wins first place