---
title: "ലൈംഗീക പീഡന പരാതി; വടകര സ്വദേശിയായ തങ്ങള്‍ അറസ്റ്റില്‍"
english_title: "sexual harassment complaint;  a native of Vadakara was arrested"
publisher: "vatakaranews.in"
canonical_url: "https://vatakara.truevisionnews.com/news/84031/sexual-harassment-complaint-a-native-of-vadakara-was-arrested"
published_at: "2022-12-08T13:34:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63919a91af57d_32.jpg"
keywords: []
---

# ലൈംഗീക പീഡന പരാതി; വടകര സ്വദേശിയായ തങ്ങള്‍ അറസ്റ്റില്‍

> **Lead Summary:** **വടകര: **ലൈംഗീക പീഡന പരാതിയിൽ വടകര സ്വദേശിയായ തങ്ങൾ അറസ്റ്റിൽ .എടോടി മശ്ഹൂര്‍ മഹലില്‍ സൈനുല്‍ ആബിദ് തങ്ങളാണ് പിടിയിലായത്. തന്റെ വീട്ടുകാരുടെ ആത്മീയ ഉപദേശി എന്ന പരിഗണന മറയാക്കി വര്‍ഷങ്ങളോളം ലൈംഗീകമായി ഉപദ്രവിച്ചുവെന്നാണ് കോതകുറിശി സ്വദേശിയായ 37 കാരിയുടെ പരാതി.

## Article Content

**വടകര: **ലൈംഗീക പീഡന പരാതിയിൽ വടകര സ്വദേശിയായ തങ്ങൾ അറസ്റ്റിൽ .എടോടി മശ്ഹൂര്‍ മഹലില്‍ സൈനുല്‍ ആബിദ് തങ്ങളാണ് പിടിയിലായത്. തന്റെ വീട്ടുകാരുടെ ആത്മീയ ഉപദേശി എന്ന പരിഗണന മറയാക്കി വര്‍ഷങ്ങളോളം ലൈംഗീകമായി ഉപദ്രവിച്ചുവെന്നാണ് കോതകുറിശി സ്വദേശിയായ 37 കാരിയുടെ പരാതി.

  അറസ്റ്റിലായ സൈനുല്‍ ആബിദ് തങ്ങളുടെ മുത്തശ്ശന്‍ പരാതിക്കാരിയുടെ കുടുംബത്തിന്റെ ആത്മീയ ഗുരുവായിരുന്നു. ഇദ്ദേഹത്തിന്റെ മരണ ശേഷം പേരക്കുട്ടിയായ സൈനുല്‍ ആബിദ് പുതിയ തങ്ങളായി പരാതിക്കാരിയുടെ വീട്ടുകാരെ സമീപിച്ചു .16 വയസ്സുള്ളപ്പോൾ പുതിയ തങ്ങളെ പരിചരിക്കാന്‍ വീട്ടുകാര്‍ പരാതിക്കാരിയെ നിയോഗിക്കുകയും ചെയ്തു.

അന്ന് മുതല്‍ പലവട്ടം ഇയാള്‍ തന്നെ ലൈംഗീകമായി പീഢിപ്പിച്ചതായാണ് പരാതിയില്‍ യുവതി പറയുന്നത്. ചോദ്യം ചെയ്യലില്‍ പ്രതി കുറ്റം സമ്മതിച്ചതായി പോലീസ് പറഞ്ഞു. മുഖ്യമന്ത്രിക്ക് യുവതി നല്‍കിയ പരാതിപ്രകാരം ഒറ്റപ്പാലം പോലീസിന് ലഭിച്ച നിര്‍ദേശമനുസരിച്ച് നടത്തിയ അന്വേഷണത്തെ തുടര്‍ന്നാണ് അറസ്റ്റ്.

### Related Links & Sources
- [Original Story Source](https://vatakara.truevisionnews.com/news/84031/sexual-harassment-complaint-a-native-of-vadakara-was-arrested)