പുതുപ്പണം: വിവാഹദിനം ജീവിതത്തിലെ അപൂർവ്വ ദിനങ്ങളിൽ ഒന്നാണ്. ആ ദിനം ഉദാത്തമായ കാര്യങ്ങൾക്ക് ചെലവഴിക്കുന്നവർ അപൂർവ്വവുമാണ്. എന്നാൽ വേദനിക്കുന്ന രോഗികൾക്ക് ആശ്വാസം പകർന്നു നൽകി മാതൃകയായിരിക്കുകയാണ് യുവ ദമ്പതികൾ.
സിദ്ധാന്തപുരം യൂണിറ്റിലെ പിലാവുള്ളതിൽ ചന്ദ്രൻ- ശോഭ ദമ്പതികളുടെ മകൾ ജിപ്സയുടെയും രാകേഷ് കണ്ണന്റെയും വിവാഹ ദിനത്തിലാണ് വ്യത്യസ്ത ഇടപെടലുമായി ശ്രദ്ധേയമായത്.
വിവാഹദിനത്തിൽ പുതുപ്പണം പാലിയേറ്റീവിനുള്ള സ്നേഹ സമ്മാനം യുവമിഥുനങ്ങൾ വിതരണം ചെയ്തു. സ്നേഹസമ്മാനം പി അശോകൻ, ഷൈത്ത്. കെ എന്നിവർ സ്വീകരിച്ചു. യുവ ദമ്പതികളുടെ ഈ മഹത്തായ പ്രവൃത്തിയെ പാലിയേറ്റീവ് അംഗങ്ങൾ അനുമോദിച്ചു.
A gift of love for the palliative; A young couple as role models