വടകര : (vadakara.truevisionnews.com)നരേന്ദ്ര മോദി വീണ്ടും അധികാരത്തിൽ എത്തുകയാണെങ്കിൽ രാജ്യത്ത് മനുസ്മൃതിയിൽ അടിസ്ഥാനത്തിലുള്ള ചാതുർവർണ്യം നടപ്പാക്കിക്കുമെന്ന് എച്ച് എം എസ് ദേശീയ സമിതി അംഗം മനയത്ത് ചന്ദ്രൻ .
വടകരയിൽ എച്ച് എം എസ് സംഘടിപ്പിച്ച തൊഴിലാളി സംഗമം ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്ത് പിന്നാക്ക വിഭാഗങ്ങൾക്ക് സംവരണം കൊണ്ട് വന്നപ്പോൾ സംഘ്പരിവാർ ശക്തികളാണ് കലാപം അഴിച്ച് വിട്ടത്.
ന്യൂനപക്ഷ - പിന്നാക്ക - സ്ത്രീ വിരുദ്ധ നിലപാടുകളാണ് അവർ പിൻതുടരുന്നത്. വേജ് കോഡിലൂടെ മോദി സർക്കാർ തൊഴിലാളികളുടെ അവകാശങ്ങൾ കവർന്ന് എടുക്കുകയാണ് . ആർ ജെഡി പിന്തുണക്കുന്ന ഇന്ത്യ മുന്നണി അധികാരത്തിൽ വന്നാൽ മോദി സർക്കാർ കൊണ്ട് വന്ന എല്ലാ തൊഴിലാളി വിരുദ്ധ നിയമങ്ങളും റദ്ദാക്കും.
വടകരയിലെ യുഡി എഫ് സ്ഥാനാർത്ഥിയുടെ നേതൃത്വത്തിൽ തെരഞ്ഞെടുപ്പ് പ്രചാരണത്തിനിടെ തൊഴിലുറപ്പ് തൊഴിലാളികളെ അപമാനിച്ചത് ഏറെ പ്രതിഷേധർഹമാണ് . എല്ലാവരുടേയും അക്കൗണ്ടിൽ വരുമെന്ന് പറഞ്ഞ 15 ലക്ഷം എവിടെ ?
മനയത്ത് ചന്ദ്രൻ പറഞ്ഞു. കെ രവീന്ദ്രൻ അധ്യക്ഷത വഹിച്ചു. റിപ്പബ്ലിക്ക് ദിനത്തിൽ ഡൽഹിയിൽ ആദരിക്കപ്പെട്ട അഴിയൂർ ഗ്രാമ പഞ്ചായത്ത് ഹരിത കർമ്മ സേന അംഗം ഷിനി യെ മനയത്ത് ചന്ദ്രൻ പൊന്നാട അണിയിച്ച് ആദരിച്ചു. ആർ എം ഗോപലൻ സ്വാഗതവും രഞ്ജിത്ത് കാരോട് നന്ദിയും പറഞ്ഞു.
എ ടി ശ്രീധരൻ , കെ കെ കൃഷ്ണൻ , കെ പ്രകാശൻ , സി വി ഗോവിന്ദൻ , പ്രസാദ് വിലങ്ങിൽ , എൻ കെ അജിത്ത് കുമാർ , റീന രയരോത്ത് , ബേബി ബാലമ്പ്രത്ത് എന്നിവർ സംസാരിച്ചു.
#Modi #comes #power #again #bring #Chaturvarnam #ManayatChandran