---
title: "തിരുവള്ളൂരില്‍ വിജയപാഠം  സ്പീക്കര്‍ എം ബി രാജേഷ് ഉദ്ഘാടനം ചെയ്യും"
english_title: "vijaya patam project  Thiruvallur Speaker MB Rajesh will inaugurate the function"
publisher: "vatakaranews.in"
canonical_url: "https://vatakara.truevisionnews.com/news/12772/vijaya-patam-project-thiruvallur-speaker-mb-rajesh-will-inaugurate-the-function"
published_at: "2021-11-25T18:41:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/619f8bb86ed77_press meet .jpg"
keywords: []
---

# തിരുവള്ളൂരില്‍ വിജയപാഠം  സ്പീക്കര്‍ എം ബി രാജേഷ് ഉദ്ഘാടനം ചെയ്യും

> **Lead Summary:** വടകര :ശിശു സൗഹൃദ പഞ്ചായത്ത് എന്ന ലക്ഷ്യവുമായി ഗ്രാമപഞ്ചായത്ത് നടപ്പിലാക്കുന്ന സമഗ്ര വിദ്യാഭ്യാസ പദ്ധതി വിജയ പാഠം നിയമസഭ സ്പീക്കര്‍ എം ബി രാജേഷ് ഉദ്ഘാടനം ചെയ്യുമെന്ന് പഞ്ചായത്ത് ഭരണ സമിതി അംഗങ്ങള്‍ വടകരയില്‍ നടന്ന വാര്‍ത്താ സമ്മേളനത്തില്‍ അറിയിച്ചു.

## Article Content

വടകര :ശിശു സൗഹൃദ പഞ്ചായത്ത് എന്ന ലക്ഷ്യവുമായി ഗ്രാമപഞ്ചായത്ത് നടപ്പിലാക്കുന്ന സമഗ്ര വിദ്യാഭ്യാസ പദ്ധതി വിജയ പാഠം നിയമസഭ സ്പീക്കര്‍ എം ബി രാജേഷ് ഉദ്ഘാടനം ചെയ്യുമെന്ന് പഞ്ചായത്ത് ഭരണ സമിതി അംഗങ്ങള്‍ വടകരയില്‍ നടന്ന വാര്‍ത്താ സമ്മേളനത്തില്‍ അറിയിച്ചു.

28ന് രാവിലെ 9 30 മുതല്‍ പരിപാടി ആരംഭിക്കും. തിരുവള്ളൂര്‍ ഗവ: എംയുപി സ്‌കൂളില്‍ നടക്കുന്ന ഉദ്ഘാടന ചടങ്ങില്‍ കുറ്റ്യാടി എംഎല്‍എ കെ പി കുഞ്ഞമ്മദ് കുട്ടി മാസ്റ്റര്‍ അധ്യക്ഷത വഹിക്കും. വിജയഭേരി കോ-ഓര്‍ഡിനേറ്റര്‍ ടി സലീം ക്ലാസെടുക്കും. വിദ്യാഭ്യാസ പ്രവര്‍ത്തനത്തോടോപ്പം സാമൂഹികസാംസ്‌കാരിക മുന്നേറ്റം ലക്ഷ്യം വെച്ചു കൊണ്ടാണ് പദ്ധതിക്ക് രൂപം നല്‍കിയിരിക്കുന്നത്.

പദ്ധതിയുടെ ഭാഗമായി പഞ്ചായത്തിലെ അംഗന്‍വാടി പ്രീ പ്രൈമറി തലം മുതല്‍ ഹയര്‍ സെക്കണ്ടറി തലം വരെയുള്ള അധ്യാപകര്‍ക്ക് പരിശീലനം നല്‍കിയിട്ടുണ്ട്. വാര്‍ത്താ സമ്മേളനത്തില്‍ തിരുവള്ളൂര്‍ ഗ്രാമ പഞ്ചായത്ത് പ്രസിഡന്റ്് സബിത മണക്കുനി, വൈസ് പ്രസിഡന്റ് എഫ് എം മുനീര്‍, ഷഹനാസ് , പി ബ്ദുല്‍ റഹിമാന്‍, എം ആര്‍ അബ്ദുല്‍ അസീസ് എന്നിവര്‍ പങ്കെടുത്തു.

### Related Links & Sources
- [Original Story Source](https://vatakara.truevisionnews.com/news/12772/vijaya-patam-project-thiruvallur-speaker-mb-rajesh-will-inaugurate-the-function)