---
title: "#Parco | ആറാം മാസം പിറന്ന കുഞ്ഞിന് പാർകോ-നിയോബ്ലിസ് രക്ഷയായി"
english_title: "#Parco  #Niobls #saved #6th #month #old #baby"
publisher: "vatakaranews.in"
canonical_url: "https://vatakara.truevisionnews.com/news/237072/parco-niobls-saved-6th-month-old-baby"
published_at: "2024-09-21T15:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66ee9778021b6_Untitled-1.jpg"
keywords: []
---

# #Parco | ആറാം മാസം പിറന്ന കുഞ്ഞിന് പാർകോ-നിയോബ്ലിസ് രക്ഷയായി

> **Lead Summary:** **വടകര: [**ആറാം മാസത്തിൽ 800 ​ഗ്രാം ഭാരവുമായി വീട്ടിൽ വച്ച് പ്രസവിച്ച കുഞ്ഞിന് പാർകോയിലെ നിയോനാറ്റോളജി വിഭാ​ഗം രക്ഷാകവചമായി.

## Article Content

**വടകര: [**ആറാം മാസത്തിൽ 800 ​ഗ്രാം ഭാരവുമായി വീട്ടിൽ വച്ച് പ്രസവിച്ച കുഞ്ഞിന് പാർകോയിലെ നിയോനാറ്റോളജി വിഭാ​ഗം രക്ഷാകവചമായി.

വടകരയിൽ താമസിക്കുന്ന കാസർകോട് സ്വദേശികളുടെ കുഞ്ഞാണ് ഇപ്പോൾ പാർകോ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ നിയോനാറ്റോളജി വിഭാ​ഗത്തിന്റെ പരിചരണത്തിൽ പൂർണ്ണ ആരോ​ഗ്യം കൈവരിച്ചിരിക്കുന്നത്.

രണ്ടു മാസം പിന്നിടുമ്പോൾ കുഞ്ഞിന്റെ ഭാരം ഏകദേശം 1.900 ​കിലോ ​ഗ്രാമായി വർദ്ധിച്ചിട്ടുണ്ട്. ജൂലൈ 10ന് വീട്ടിൽ അപ്രതീക്ഷിതമായി പ്രസവം നടന്ന ഉടൻ തന്നെ മാതാവിനെയും കുഞ്ഞിനെയും ഭർത്താവ് ഒരു ഓട്ടോറിക്ഷയിൽ പാർകോയിൽ എത്തിക്കുകയായിരുന്നു.

ഉടൻ തന്നെ നിയോനാറ്റോളജി വിഭാ​ഗം (നിയോബ്ലിസ് ) ഏറ്റെടുക്കുകയും നിയോനാറ്റോളജി തലവനും, സീനിയർ നിയോനാറ്റോളജിസ്റ്റുമാരായ ഡോ. നൗഷീദ് അനി. എം , സീനിയർ പീഡിയാട്രിഷ്യൻ ഡോ. ദിൽഷാദ് ബാബു. എം എന്നീ ഡോക്ടർമാരുടെ നേതൃത്വത്തിൽ സമയോചിത പരിചരണവും, ത്രീവ്രവിഭാഗചികിത്സയും ലഭ്യമാക്കുകയുമായിരുന്നു.

പാർകോയിലെ ലെവൽ-3 എൻ ഐ സി യു സംവിധാനമാണ് ഈ കുഞ്ഞിന്റെ ജീവൻ രക്ഷിക്കാനും പൂർണ്ണ ആരോ​ഗ്യത്തിലേക്ക് നയിക്കാനും കാരണമായത്. ​

മാസം തികയാതെ പിറക്കുന്ന ​ശിശുക്കൾക്ക് ഗർഭപാത്രത്തിന് തുല്യമായ ആവാസ വ്യവസ്ഥ സംജാതമാക്കുന്ന അത്യാധുനിക സംവിധാനമാണ് ലെവൽ-3 എൻഐസിയു. വടകര മേഖലയിൽ ഈ സംവിധാനമുള്ള ഏക ആശുപത്രിയാണ് പാർകോ.അമ്മയും കുഞ്ഞുo ഇപ്പോൾ പൂർണ്ണ ആരോഗ്യവാന്മാരാണ്.

### Related Links & Sources
- [Original Story Source](https://vatakara.truevisionnews.com/news/237072/parco-niobls-saved-6th-month-old-baby)