---
title: "#EChallanAdalath | ഗതാഗത നിയമലംഘനം; പൊതുജങ്ങൾക്ക് നേരിട്ട് എത്തി പിഴ അടക്കാനുള്ള ഇ-ചലാൻ അദാലത്ത് ഒക്ടോബർ 7, 8 തീയതികളിൽ "
english_title: "#traffic #violation #EChallan #Adalat #payment #fine #public #person #7th #8th #October"
publisher: "vatakaranews.in"
canonical_url: "https://vatakara.truevisionnews.com/news/240379/traffic-violation-echallan-adalat-payment-fine-public-person-7th-8th-october"
published_at: "2024-10-05T14:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6700fa8baff4f_mvd.jpg"
keywords: []
---

# #EChallanAdalath | ഗതാഗത നിയമലംഘനം; പൊതുജങ്ങൾക്ക് നേരിട്ട് എത്തി പിഴ അടക്കാനുള്ള ഇ-ചലാൻ അദാലത്ത് ഒക്ടോബർ 7, 8 തീയതികളിൽ 

> **Lead Summary:** **വടകര: **ഗതാഗത നിയമലംഘനത്തിനുള്ള പിഴകളിൽ യഥാസമയം പിഴ അടക്കാൻ സാധിക്കാത്ത ചലാനുകൾ അടയ്ക്കാൻ പൊതുജനങ്ങൾക്കായി പോലീസും മോട്ടോർ വാഹനവകുപ്പും സംയുക്തമായി ഇ-ചലാൻ അദാലത്ത് സംഘടിപ്പിക്കുന്നു.

## Article Content

**വടകര: **ഗതാഗത നിയമലംഘനത്തിനുള്ള പിഴകളിൽ യഥാസമയം പിഴ അടക്കാൻ സാധിക്കാത്ത ചലാനുകൾ അടയ്ക്കാൻ പൊതുജനങ്ങൾക്കായി പോലീസും മോട്ടോർ വാഹനവകുപ്പും സംയുക്തമായി ഇ-ചലാൻ അദാലത്ത് സംഘടിപ്പിക്കുന്നു.

കേരള പോലീസും മോട്ടോർ വാഹനവകുപ്പും ഇ-ചലാൻ മുഖേന നൽകിയിട്ടുള്ള ഗതാഗത നിയമലംഘനത്തിനുള്ള പിഴകളിൽ യഥാസമയം പിഴ അടക്കാൻ സാധിക്കാത്ത ചലാനുകളും, നിലവിൽ കോടതിയിലുള്ള ചലാനുകളിൽ പ്രോസിക്യൂഷൻ നടപടികൾക്ക് ശുപാർശ ചെയ്തിട്ടുള്ളവ ഒഴികെയുള്ള എല്ലാ ചലാനുകളും തീർപ്പാക്കുന്നതിനായാണ് അദാലത്ത് സംഘടിപ്പിക്കുന്നത്.

2024 ഒക്ടോബർ 7, 8 തിങ്കൾ, ചൊവ്വ എന്നീ ദിവസങ്ങളിൽ ജില്ലാ പോലീസ് മേധാവിയുടെ കാര്യാലയം പുതുപ്പണം വടകര വെച്ച് സംഘടിപ്പിക്കുന്ന അദാലത്തിൽ രാവിലെ 10 മണി മുതൽ വൈകീട്ട് 5 മണി വരെ പൊതുജനങ്ങൾക്ക് നേരിട്ട് എത്തി പിഴ ഒടുക്കാവുന്നതാണ്.

അദാലത്തുമായി ബന്ധപ്പെട്ട കൂടുതൽ വിവരങ്ങൾക്ക് 9497963708 (പോലീസ്), 0495- 2355588 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.

എ.ടി.എം ഡെബിറ്റ്, ക്രെഡിറ്റ്/ യു.പി.ഐ (ATM Debit/Credit Card / UPI) സൗകര്യം മാത്രമേ ലഭ്യമാവുകയുള്ളൂ.

### Related Links & Sources
- [Original Story Source](https://vatakara.truevisionnews.com/news/240379/traffic-violation-echallan-adalat-payment-fine-public-person-7th-8th-october)