ചോറോട്: റിനൂപിന് കരുത്തേകാൻ കൈകോർത്ത് ചോറോട് ഗ്രാമം. തലശ്ശേരിയിൽ വെച്ച് കഴിഞ്ഞ മാസം ബൈക്ക് അപകടത്തിൽ പരിക്കേറ്റു ചികിത്സയിൽ കഴിയുന്ന പുറങ്കര സ്വദേശി വളപ്പിൽ ദിനേശന്റെ മകൻ റിനൂപിനായി ചോറോട് ഈസ്റ്റിൽ സഹായ സമിതി രൂപീകരിച്ചു.
അപകടത്തെ തുടർന്ന് 24 വയസ്സുകാരനായ റിനൂപിന്റെ ഒരു കാൽ ചികിത്സയുടെ ഭാഗമായി മുറിച്ചുമാറ്റിയിരുന്നു. റിനൂപിനെ ജീവിതത്തിലേക്ക് കൊണ്ടുവരുവാൻ 25 ലക്ഷം രൂപ വേണം എന്നാണ് ഡോക്ടർമാർ നിർദ്ദേശിക്കുന്നത്. തീരദേശ മേഖലയായ പുറംങ്കരയിൽ നിന്നും ഇത്രയും തുക സമാഹരിക്കുക അസാധ്യമാണ്. ചികിത്സാസഹായ കമ്മിറ്റിയുടെ അഭ്യർത്ഥനയെ തുടർന്ന് ചോറോട് കമ്മിറ്റി രൂപീകരിക്കുകയായിരുന്നു.
റിനൂപിന്റെ അമ്മ റീനയുടെ വീട് ചോറോടു കുടുംബാരോഗ്യ കേന്ദ്രത്തിന് സമീപത്തുള്ള പേരാലുള്ള കണ്ടിയിലാണ്. റീനയുടെ അമ്മ ഇവിടെ താമസമുണ്ട്. ചോറോട് ഗ്രാമപഞ്ചായത്ത് അംഗം ജംഷീദ കെ. (ചെയർമാൻ), പഞ്ചായത്ത് അംഗങ്ങളായ പ്രസാദ് വിലങ്ങിൽ, ഷിനിത ചെറുവലത്ത്( വൈസ് ചെയർമാൻ), കെ കെ സജീവൻ (കൺവീനർ), പി സുരേഷ് എംസി കരീം (ജോയിൻറ് കൺവീനർ), എം എം ശശി (ഖജാൻജി) എന്നിവർ ഭാരവാഹികളായി കമ്മിറ്റി രൂപീകരിച്ചു.
ബാങ്ക് അക്കൗണ്ട് ഐഡിബിഐ വടകര ബ്രാഞ്ച് അക്കൗണ്ട് നമ്പർ: 1365 1040 0014 6982 IFSC code: IBKL 000 1365 G PAY:9048520490
Hand in hand with rice to strengthen Rinup
