വടകര: വിദ്യാഭ്യാസ വകുപ്പിൽ നിന്നും മണിയൂർ ഗവ.ഹയർ സെക്കൻറി സ്കൂൾ കെട്ടിട നിർമ്മാണത്തിനായുള്ള രണ്ട് കോടി രൂപയുടെ അനുമതി ലഭിച്ചു.
വടകര താലൂക്കിന്റെ വിവിധ ഭാഗങ്ങളിൽ നിന്നും ധാരാളം വിദ്യാർത്ഥികൾ മണിയൂർ ഗവ.ഹയർ സെക്കൻറി സ്കൂളിൽ പഠനം നടത്തുന്നുണ്ട്. പഠന, കലാ, കായിക , ഗവേഷണ മേഖലകളിൽ,വിദ്യാർത്ഥികൾക്ക് ആവശ്യമുള്ള പശ്ചാത്തല സൗകര്യങൾ നൽകി ഭാവിയുടെ വാഗ്ദാനങ്ങൾ ആക്കി മാറ്റണം എന്നത് സംസ്ഥാന സർക്കാരിന്റെ നയമാണ്.
ഈ ഒരു പശ്ചാത്തലത്തിൽ മണിയൂർ ഗവ.ഹയർ സെക്കൻറി സ്കൂളിന് 2 കോടി രൂപ അനുവദിച്ച വിദ്യാഭ്യാസ വകുപ്പ് മന്ത്രി വി.ശിവൻകുട്ടിക്ക് നന്ദി രേഖപ്പെടുത്തുന്നതായും പൊതു വിദ്യാഭ്യാസ സംരക്ഷണം എന്ന എൽഡിഎഫ് സർക്കാരിന്റെ ലക്ഷ്യം , മണിയൂർ ഗവ.ഹയർ സെക്കൻററി സ്കൂളിനെയും ഉന്നത നിലവാരത്തിലെത്തിക്കുമെന്നും കെ പി കുഞ്ഞമ്മത് കുട്ടി മാസ്റ്റർ എംഎൽഎ പറഞ്ഞു.
Maniyur Govt. Higher Secondary School has been allocated Rs.2 crores
