May 27, 2024 01:34 PM

വടകര  :(Vatakara.truevisionnews.com)ലോകസഭാ തെരഞ്ഞെടുപ്പിൽ വടകര മണ്ഡലത്തിൽ നടന്ന വർഗീയ പ്രചാരണങ്ങൾക്ക് പിന്നിൽ പ്രവർത്തിച്ചവരെ കണ്ടെത്തുന്നതിന് സമഗ്ര അന്വേഷണത്തെ ഊർജ്ജിതപ്പെടുത്തണമെന്ന് അൽപസമയം മുൻപ് വടകരയിൽ സമാപിച്ച സർവ്വകക്ഷിയോഗം അവകാശപ്പെട്ടു .

ഉത്തര മേഖല ഡിഐ ജിയാണ് വടകര റൂറൽ എസ് പി ഓഫീസിൽ യോഗം വിളിച്ചുചേർത്തത് . കാഫിർ വിഷയത്തിൽ പോലീസിനെതിരെ യുഡിഫ് ആർ എം പി നേതാക്കൾ വിമർശനം ഉന്നയിച്ചു .

എൽഡിഫ് സ്ഥാനാർഥി കെ കെ ശൈലജ ടീച്ചർക്ക് എതിരെ നടന്ന സൈബർ ആക്രമണത്തിൽ യഥാർത്ഥ കുറ്റവാളികളെ കണ്ടെത്തണമെന്ന് എൽഡിഫ് ആവശ്യപ്പെട്ടു .

വടകരയിൽ തെരഞ്ഞെടുപ്പ് ആഹ്ലാദ പ്രകടനങ്ങൾക്ക് നിയന്ത്രണം ഏർപ്പെടുത്താനും യോഗം തീരുമാനിച്ചു വോട്ടെണ്ണൽ ദിവസമായ 4 ന് രാത്രി 7 വരെ വിജയിക്കുന്ന മുന്നണികൾക്ക് ആഹ്ലാദ പ്രകടനം നടത്താനാവും . കേന്ദ്രത്തിൽ അധികാരത്തിൽ വരുന്ന കക്ഷികൾക്ക് അഞ്ചാം തീയതി രാതി 7 മണിവരെ ആഹ്ലാദപ്രകടനം നടത്തനാവും .

തെരഞ്ഞെടുപ്പ് പ്രചരണത്തിന് സ്ഥാപിച്ച ബാനറുകളും പോസ്റ്ററുകളും അതത് രാഷ്ട്രീയ പാർട്ടികൾ തന്നെ ഉടൻ നീക്കം ചെയ്യണം .

യോഗത്തിൽ എൽഡിഎഫിനെ പ്രതിനിധീകരിച്ച് സിപിഐഎം ജില്ലാ സെക്രട്ടറി പി മോഹനൻ , ജില്ലാ സെക്രട്ടറി അംഗം കെ കെ ദിനേശൻ , യുഡിഫ് ജില്ലാ കൺവീനർ ബാലനാരായണൻ , ചെയർമാൻ അഹമ്മദ് പുന്നക്കൽ , അഡ്വ : അയ്‌മൂസ , അഡ്വ :ലത്തീഫ് , ബിജെപി നേതാക്കളായ മുരളിമാസ്റ്റർ ,

രാംതാസ് മണലേറി , ആർഎംപി നേതാക്കളായ എൻ വേണു , കുളങ്ങര ചന്ദ്രൻ , കണ്ണൂർ റേഞ്ച് ഡി ഐ ജി തോംസൺ ജോർജ് , കണ്ണൂർ സിറ്റി പോലീസ് കമ്മീഷണർ , വടകര റൂറൽ എസ് പി , വിവിധ എസ് ഐമാരും ഡി വൈ എസ് പി മാരും യോഗത്തിൽ പങ്കെടുത്തു

#Cheer #performances #only #until #7 p.m. #Communal #Propaganda #Must #Stopped - #All #Party #Leaders

Next TV

Top Stories